Popularne wersety biblijne z Munra ta Rom 1

Udostępnij

Ape naapek gate maragai ape lea we wia; ape ilone o mana non God si a vaesura ran, mun sei mun sei we nomtup apena, mun o ta Judea amoa, wa mun o ta Grekia mulaŋ.

Ape ti ge ŋaŋalue alolona o liŋe taniniga mon God, nan o nomtup ma ilo nomtup; tama me rave veta si, I taniniga te esuesu o qetegiu o nomtup.

Ape non o gene ŋaŋ gate iloilo lai, pa we gilala wurvag lai apena mun o gene tiŋ ŋaŋ alo qeteg marama ran ma, wa we ilo qalo lai; wa si non o mana nan qa ti galava, wa namatevun God; wa o manigiu o ine neira tete is lai napugara nan neira.

Ape neira me lolomaran God, pa gate ge ronoga ineia tama si God, wa gate vareania; nava ineira me var sikesike pa me ge si neira sike matila; wa me qoŋ goro natoqara gate lolomaran qalo lai.

Ape neira gina me valete o liŋe nun amon God mun o liŋe galegale; wa ineira me momogo wa me rowrowovag mun o gene tiŋ, pa tagai mun i Tiŋ gene ŋaŋ, ni we toga wievavae gina ti tuai ti tuai. Amen.

Ape ti ge ŋaŋalue ma vunana o lologagara non God avune val liŋe tamtames wa val ganganor nor o tanun ŋaŋ we taur goro o liŋe nun alo liŋe ganganor.

Wa o manigiu o ine God me ukegira vano si neira a roŋo o tortoron ŋaŋ we vasvasigtag apena. Ape o retavine amaira me ge ris o gene te ge tataga o matev tanun, sin sea ran nan o matev tanun. Wa we sasarita apena, o rereata we toavtag o gene te ge tataga o matev vavine, wa me saqora val alo nor o totoron ŋaŋ, o rereata we gagapalag amaira rereata o gene te apemaragai apena; wa neira me taur mora alo ineira kel o rusarusai, tama we sasarita ran ape nor o lerava ilone. Wa tama ineira gate mawui apena si a taur God alo nor o lolomaran, God me ukegira vano ilo nonomia te gevtagira apena, si neira a gagapalag o gene ŋaŋ gate tira ran ape neira

Wa neira we soura si we lolomaran, pa me qeteg qaqae; wa neira me ge ris naleŋasin God gate naru ilo lai, sin tama natarapen o tanun te naru tagea, wa o tarape manu ŋaŋ, wa o qoe ŋaŋ, wa o gene ŋaŋ we kalokalo.