Popularne wersety biblijne z Matəw 24

Udostępnij

Umugə ikyugə mi mə ŋuw imbey, cha ba nanaʼ mi wuʼ uma uchini anji zənə mbə́ wuʼi. Asɨmə wa ŋunə u yimi fiŋ iŋu pey akə inwi, Nwiye yi chi uŋwən angəʼ.

Ba mbi ghayn ukən uchuŋ uŋu da anó ufon azobo ungɨŋ isəg ujum da ubey ujum zəw. Ubə aghəy nigə, inwi isəg yi zaʼa.”

Mbən mbə zəw kwi ubey mbə maʼa bêd nibi zəw inayn da mugə ubey mə kaba imaʼa bêd, mbən tumə ngwən inyo. Unó mbəŋ ujum umbi mə awu asɨmə kwi cha inwi di si zaʼa ma.

Ubəy mbi maʼa bêd nə ubey chini. Ubey mbənə ifon mə tumə umbi maʼa bêd nə ubey chini mbənə ifon mə tumə. Ajəgə yi mə awu. Usin mbi mə nyiʼere usin nanaʼ. Unó mbəŋ ujum umbi chomo numugə ayey mə zəw ubuʼ Amaʼazənə umə ŋu iti imə ibə́.

Azobo ni isəg yi chigə, asɨmə cha inyi inayn mi noʼ chigə ma ibuw.

Ayə ghayn ney damugə ba nanaʼ umbi zaʼa anigə inum uŋu ukum yeŋ yə ghayn kwi, ‘Umbugə amə wa ŋunə Nwiye zoʼo.’ Umbi ghayn nigə itama ba nanaʼ.

Amaʼ wu bə koʼo, umbən ba bana umbi ibiya ngwən naʼ kwi u nyi ngwən zwere ngwən. Isəg ujum yi bana ngwən da aŋu. Akə amaʼ wu, ibeni fiŋ ba nanaʼ iyi bó. Ba umbi fənə unya uma nibə bana unya uma. Ba ukən Nwiye a figə unó nanaʼ umbi du anigə itama ba nanaʼ.

Yeso ywiri abú úŋwən kwi, “Mbən num azom da ka wa moʼ aghəy ma kwi mbən faba.

Anigə umbən fən, mbən tana inyo damugə Ŋwə̂ Wa yi zaʼa akə amaʼazənə cha mbən mə nəmə uŋwən.”

Anigə mbən chomo kyiʼi damugə cha mbən kyay ngwən anəy zənə u ngwən Asɨyisəg mi wene zaʼa.

Yeso ŋu imbey ni ghayn abú mbə məŋə-anó ma kwi, “Cha wa moʼ kyay ma anəy kə Amaʼazənə unó mbəŋ mi du, kaba mbə angəd mbənə umə azobo kə di mə Ŋwə̂ aba mbaʼ ma zeʼe u kyay.

Ayə ghayn ney damugə, ba figə unó mbənə Nwiye zoʼo foro ba ukən Nwiye figə unó umbi du anigə ighəy unwini unó kaka anigə ighəy uyere unó da inji mə awu, ú tama kaba ba mbənə Nwiye choʼo.

Anó zənə yə́ aghəy amaʼa Noah, amə nibə a zənə ami aghəy akə maʼ zənə Ŋwə̂ Wa mi wene zaʼa. Akə Amaʼazənə ki Nwiye si aghəy kwi imbə́ŋ choʼo une kəbərə usin, ba mə jəgə inugə. Ba mə nama uni bə nama buŋ uma. Mbə́ mə́ aghəy nigə iŋu pey Amaʼazənə Noah nyi ungɨŋ abaŋ ugwi zənə Nwiye ghayn abú uŋwən kwi u tana. Cha úŋwən di kyay uma anó zənə yə́ mə́ chigə pey Amaʼazənə imbə́ŋ wu choʼo une kəbərə usin chigə yi num úŋwən uma ujum. Amə nigə ami məŋi Amaʼazənə Ŋwə̂ Wa mi zaʼa.