Popularne wersety biblijne z Eseia 41

Udostępnij

Paid bod ag ofn, achos dw i gyda ti. Paid dychryn – fi ydy dy Dduw di! Dw i’n dy nerthu di ac yn dy helpu di, dw i’n dy gynnal di ac yn dy achub di hefo fy llaw dde.

Fi, yr ARGLWYDD, ydy dy Dduw di, yn rhoi cryfder i dy law dde di, ac yn dweud wrthot ti: “Paid bod ag ofn. Bydda i’n dy helpu di.”

Bydd pawb sy’n codi yn dy erbyn di yn cael eu cywilyddio a’u drysu. Bydd y rhai sy’n ymladd yn dy erbyn di yn diflannu ac yn marw.

Des i â ti yma o bell, a’th alw o ben draw’r byd, a dweud wrthot ti: “Ti ydy fy ngwas i.” Dw i wedi dy ddewis di! Dw i ddim wedi troi cefn arnat ti!

Byddi’n edrych am y rhai sy’n ymosod arnat ti ac yn methu dod o hyd iddyn nhw. Bydd y rhai sy’n rhyfela yn dy erbyn di yn diflannu ac yn peidio â bod.

Paid bod ag ofn, y pryf Jacob, y lindys bach Israel – Bydda i’n dy helpu di! –meddai’r ARGLWYDD. Fi sy’n dy ryddhau di, sef Un Sanctaidd Israel.

Ond Israel, ti ydy fy ngwas i, Jacob, ti dw i wedi’i ddewis – disgynyddion Abraham, fy ffrind i.

Bydda i’n gwneud i nentydd lifo ar y bryniau anial, ac yn agor ffynhonnau yn y dyffrynnoedd. Bydda i’n troi’r anialwch yn byllau dŵr, a’r tir sych yn ffynhonnau.

Ond am y bobl dlawd ac anghenus sy’n chwilio am ddŵr ac yn methu cael dim, ac sydd bron tagu gan syched, bydda i, yr ARGLWYDD, yn eu hateb nhw; fydda i, Duw Israel, ddim yn eu gadael nhw.

Pwy sydd wedi gwneud hyn i gyd? Pwy alwodd y cenedlaethau o’r dechrau? – Fi, yr ARGLWYDD, oedd yno ar y dechrau a bydda i yno yn y diwedd hefyd. Fi ydy e!

Bydda i’n plannu coed cedrwydd yno, coed acasia, myrtwydd, ac olewydd; bydda i’n gosod coed cypres, coed llwyfen a choed pinwydd hefyd – er mwyn i bobl weld a gwybod, ystyried a sylweddoli mai’r ARGLWYDD sydd wedi gwneud hyn, ac mai Un Sanctaidd Israel sydd wedi peri iddo ddigwydd.