Popularne wersety biblijne z Eseia 11

Udostępnij

Bydd ysbryd yr ARGLWYDD yn gorffwys arno: ysbryd doethineb rhyfeddol, ysbryd strategaeth sicr, ysbryd defosiwn a pharch at yr ARGLWYDD. Bydd wrth ei fodd yn ufuddhau i’r ARGLWYDD: fydd e ddim yn barnu ar sail yr olwg gyntaf, nac yn gwneud penderfyniad ar sail rhyw si.

Ond bydd brigyn newydd yn tyfu o foncyff Jesse, a changen ffrwythlon yn tyfu o’i wreiddiau.

Bydd yn barnu achos pobl dlawd yn deg ac yn rhoi dyfarniad cyfiawn i’r rhai sy’n cael eu cam-drin yn y tir. Bydd ei eiriau fel gwialen yn taro’r ddaear a bydd yn lladd y rhai drwg gyda’i anadl.

Bydd cyfiawnder a ffyddlondeb fel belt am ei ganol.

Fydd neb yn gwneud drwg nac yn dinistrio dim ar y mynydd sydd wedi’i gysegru i mi. Fel mae’r môr yn llawn dop o ddŵr, bydd y ddaear yn llawn pobl sy’n nabod yr ARGLWYDD.

Bydd y blaidd yn cyd-fyw gyda’r oen, a’r llewpard yn gorwedd i lawr gyda’r myn gafr. Bydd y llo a’r llew ifanc yn pori gyda’i gilydd, a bachgen bach yn gofalu amdanyn nhw.

Bryd hynny, bydd y ffaith fod boncyff Jesse yn dal i sefyll yn arwydd clir i’r bobloedd – bydd cenhedloedd yn dod ato am gyngor, a bydd ei le yn ysblennydd.