Popularne wersety biblijne z Matíe 28

Udostępnij

A mʋ bhlɩ́ɛ́ fɩ́ɛ́ jɩ̀ lé a cíi mɔ̀ɔ a nyʋa gɔ̀ bhè a ká ná kʋjɩ̀nyʋa plɩ́. A ŋwʋ́ á nyú wlú Tʋ́, Yʋ́ lé Blɔ̀blɔ̀zùzu a ŋnɩ́ mʋ́. A cɩ́alaá, bhè a ká jràmáá fɩ́ɛ́ ɩ́ pápa lɛ́ amɔ a ʋ́ ŋwʋ́. Mà mɔ́ɔ, ɩ́ yi kɔ́ɔ̀kɔ́ amɔ gɔ̀ kʋʋ lé kɔ́ yi kɛ́ ʋ́ bhɩa.»

Lé Zozíi ŋnɩ á gɔ̀, lé ɔ́ srʋ á mà: «Lagɔ nyɛ́ mɔ́ɔ pɔ́waá fɩ́ɛ́, lagɔɔ́ bhè dɛ́ dʋ̀dʋ kʋ́ sɔ́ a zà.

Lé Kplɔkplɔzùzùò srʋ ŋwnáá mà: «Ŋanɩmɛ ná bhlá amɔ we! Ɩ́ yì saá mà Zozíe á kʋ lɛ́ kúsuó jɩ̀ a, ɔ́mɔ́ kà ŋnɩ́ lé a yi lɛ́. Ɔ nɩ́ dɛ́ kʋ, ɔ́ ya galɔ̀, wɔlɩ́ɛ́ ɔ́ cí wá ɩ́mɩ́ ŋnɩ. A yi a ká dɛ́ɛ́ á púolo wá a, yɛ́!

Lé Zozíi srʋ á mà: «Ŋanɩmɛ ná bhlá amɔ, mà a mʋ lé a srʋ ɩ nɩ́ayúóó lé a mʋ́ Galilée mà mɔ̀ɔmɔ̀ á na ká mɔ́ɔ yɛ́ɛ.»

Mà Lagɔ̀bʋ̀bɔ̀nyʋ̀àkádàà nú wɔlɩ́ɛ́ a, a yà dɔ̀panyʋaá sɔ́ núnuù lé á nyɛ́ sʋ́jàà moníi kɔ́kɔ́mnɩ́, lé á srʋ á mà: «A nɩ mʋ a, a cí mà: À kʋ̀ yrá lé ɔ́ kʋjɩ̀nyʋ̀àà yi dʋdʋ́kádʋʋ́ lé á ghlíi gàzɛ̀ɛ̀ lé á fɛɛ́. Mà gɔ̀mnàà nɩ núí a, cémʋ́ à yi cí lé à yio duo jɩ̀ sɩsa a, à yi cí, lé a nɩ ka amɔ gbʋ́ wlú ŋwʋ́.» Lé sʋ́jàà bhli moníe kʋ́ lé céé tɛ̀ɛ̀ á srʋ á mà a nɩ a, ɩ́mɩ́ á nɩ. Ɩ́mɩ́ kpɔkplá wɔlɩɛ́ lɩ̀à sʋ́jàà bie lɛ́ a, ɩ́mɩ́ bhli Zúfʋbhlɩɛ́ a lɔ̀fɩ́ɛ́ lé yi lé ŋnɩ zɩmnɛ́.