Popularne wersety biblijne z Matíe 26

Udostępnij

A ná ŋwɔ́ɔ, a bhibhie kɔ́ɔ̀kɔ́ Lagɔ bhè a nɩ ka amɔ zɔ̀ saà! Wé a yrá yɩ́ la námasa a niníé, ɛ́ nɩ̀ ŋwɔ́ɔ a zizi a, ɩ́ tɛ́ kɔ́ɔ̀kɔ́ mʋ́, mà yɛ́kɛ́ɛ́ ɛ́mɛ́ ɛ̀ nɩ́ yɩ́ fɩ́ ka lé ɛ ya Dɩ́blʋ̀ɔ̀ sɔ́ ká kʋ́ bhlaa!»

Bhʋ́ ɔ́ srʋ á mà: «Kalɩmɛɛ́ mʋ́ ɩ́ kʋ lɛ́ a, ɛ́ yi mɔ́ kwɩ́ neé fa. A kʋ dɛ́ mà ya amɔ sɔ́ à nɩ ka ŋwɔ́ɔ, zrɩ̀ à nà kà bhlá.»

Lé ɔ́ wlʋ́laá gwá dɩgàsa ɔ ká bhibhie, ɔ́ sra koti sá lé ɔ́ ŋwʋ́ klʋ́ dʋ̀dʋ kʋ́ lé ɔ́ cíe bhibhie kʋ́, ɔ́ anɩ́: «Wé! À Tʋ́, ɩ́ nɩ ŋwɔ́ɔ la mà nyakalɩ plɩɛ́ lɩ̀à wlʋ́ la mɔ́ gwá lé ná mnɛ́ la a, mà nà nɩ cémʋ́ ná duo yra a, nɩ cémʋ́ ɩ̀ wà a!»

A mná mà ná dòlú kʋ̀ʋ! Mɛnʋ́ dòlúó ʋ̀ kɔ́sɔ nyʋa kɔ́kɔ́mnɩ́ a zà sá lé ʋ̀ cie nyʋa a nyumoé a, ʋ́mʋ́ kʋ̀ʋ.

Á kʋ liìda lé Zozíi bhá flɔ́ɔbhuo, ɔ́ bhibhie lé ɔ́ pá Lagɔ nyú lé ɔ́ bhábha lé ɔ́ nyɛ́ ɔ́ kʋjɩ̀nyʋ̀àà, ɔ́ srʋ á mà: «A bhá a ká li mà ná yɛ́kɛ́ kʋ̀ʋ!»

Lé ɔ́ bhá duváaplɩ, ɔ́ bhibhie, ɔ́ pá Lagɔ yúó lé ɔ́ nyɛ́ a ɔ́ anɩ́: «Á lɔ̀fɩ́ɛ́ a mná!

Zozíi yrɩ́bha lé ɔ́ yi ɔ́ kʋjɩ̀nyʋ̀àà gɔ̀ a, á lɔ̀fɩ́ɛ́ ya ŋwɔ́ɔ. Ɔ́ srʋ Pɩ́ɛ́lɩ mà: «A nɩ́ ka míi lé a ká glíiyie a múó a zà yrá a duo kʋ́ tɛ́ma a, mà aa yi ŋwɔ́ɔ?

Náa srʋɛ amɔ mà, bháa yɩ́ lɛ́ zɩmnɛ́ jɩ̀ a, nɩ́ ká yɩ́ duváa lɩ̀à mná, ká yɩ́ sɔ́kʋ́ duváa mná a, à Tʋ́ a léyibhlɩɛ́ a mnɩ́ mɔ̀ɔ yáa amɔ sɔ́ à nà kà yɩ́ duváa yala mná.»

Bhè Pɩ́ɛ́lɩ luo wɔlɩ́ɛ́ Zozíi srʋ ɔ́ a kʋ́: «Pɩ́ɛ́lɩ dɩ́bɩ̀ɛ̀ lɩ̀à bhlɔ̀bhlɔ̀, fɩ́ɛ́ lé zizìèdɩ̀kɔ̀kʋ̀ɛ̀ ká wɔlɩ́ pá a, ɩ̀ yi ná zà taa kʋ́ ziè, mà nɩ́ mɔ́ɔ yi.» Ɔ́ luo a, ɔ́ flʋ zɔ̀, ɔ́ ŋwí àààn lé ɔ́ sɩà.

A soglù à kà mʋ mà pɛ́lʋ́panyɔɔ́ mɔ́ɔ yie, ɔ́ ya dɛ́ gɔ̀ mɛ́.»

Mà Zozíi srʋ ɔ́ mà: «Ŋwʋ́ nà jrɛ̀ɛ̀ tʋ́kpá, mà nyʋaá fɩ́ɛ́ à bhá jɛ̀lɩ̀ kʋ́ a, jɛ̀lɩ̀ mʋ́ á bhlálaá.