Popularne wersety biblijne z Matíe 24

Udostępnij

Lé nyumoé a zumole yi ŋnɩ́ ka lé nyʋaá à wà la Lagɔ a, kɔ́kɔ́mnɩ́ a Lagɔ a wàwʋ́ɔ́ yi kʋ́ sɩsalɔɔ̀. Mà nyɔɔ́ nà kà duo kʋ́ tɛ́ma àààn lé bɩ́kʋ́bhɩayruó ká ŋnɩ a, ɔ́mɔ́ nà kà ʋ́ neé wlʋ́.

Lagɔ a Léyibhlɩɛ́ a Námadìè yi bhlɩ́ɛ́ fɩ́ɛ́ jɩ̀ salɔɔ̀, lé nyʋa fɩ́ɛ́ a nɩ́ Lagɔ yì a, á yií yɩbhlɩ, fɩ́ɛ́ lé zɩkpa a zɔ̀bhɩayruó ká kɛ́ ŋnɩ.

A yi tavʋ̀wɔ̀lɩ nú, lé a yi sáà ʋ́ yrè nú, mà ŋanɩmɛ ná bhlá amɔ, ɩ́ ka lé ɩ ká ŋnɩ a, ɩ́zà ɩ́ ŋnɩ! Mà zɩkpa a bhɩada nɩɩ́ àyɩ ʋ́ kʋ.

Bhlɩ́ yi ɛlibhlɩ ànɛ tʋ́ fa, léyibhlɩ ya léyibhlɩ ànɛ sɔ́ yi vʋ, Bhlɩ́ kɔ́kɔ́mnɩ́ ànɛ jɩ̀ kleé yi pla, dʋ̀dʋ yi tɩtɛɛ̀. Ɩ́ yi wlʋ́ mànɩ́ cémʋ́ ŋwnɔ́ a vavamnɩ cíele lɛ́ cɩcɩɛ kʋ́ a.

Lagɔ yà dʋ̀dʋ sɔ́ yi plɩ́, mà ná cícíwɔlɩɛ́ nɩ́ ka kɔ́ɔ̀kɔ́ plɩ́ɩ.

Mà nyʋa kɔ́kɔ́mnɩ́ yi ná ŋnɩ́ mʋ́ yi. Á yi cí mà: Mɔ́ ŋwɔ́ɔ Kláyɩ́sɩ, lé á yi nyʋa kɔ́kɔ́mnɩ́ nyɩ́glɩ̀.

Nyʋa yi amɔ kalɩmɛ mʋ́ ŋwʋ́, ɛ́mɛ́ mʋ́ a na ká kúu. Bhlɩ́ fɩ́ɛ́ yi amɔ mʋ́ gblɩ̀ ná zà. Wɔlɩ́ɛ́ fɩ́ɛ́ lɩ̀à yi ŋnɩ́ ka lé nyʋa kɔ́kɔ́mnɩ́ yi Lagɔ a nyúzɔ kʋ́ wlʋ́, á yi a nyoku glɩ́ kʋ́ plɔplɔɔ̀, a yi mʋ́ gblɩ̀ gblɩ̀. Kpɔkplá Lagɔ̀ɔ̀ a nékʋ́cinyʋa kɔ́kɔ́mnɩ́ yi wlʋ́ lé á yi nyʋa kɔ́kɔ́mnɩ́ nyɩ́glɩ̀.

Zozíi srʋ á mà: «A mányɩ! Nyɔ ná nyɩ́glɩ̀ amɔ.

A sɛ́fʋ a yrɩ̀lɩ mà glíiyie mʋ́ a nɩ́ Nyɔɔ́ a Yuwliyʋɔ́ lùò a, ɛ́mɛ́ mʋ́ ɔ́ na ká yii.

Naa, a dɛdɛ̀ mà a nɩ́ a Kanyɔ a yiyiyruú yì!

Ɛ̀ nɩ̀ ŋwɔ́ɔ yi yi yruó yà glíiyié sɔ́ a, nyɔ nɩ́ɩ́ yìi, kplɔkplɔzìzi kʋ̀ Lagɔ gɔ̀ a, nɩ́ɩ yìi, Lagɔ a Yuwliyʋɔ́ mɔ̀glʋ̀ nɩ́ saá yì, ɛ̀ nɩ̀ nɩ́ Tʋ́ɔ́ a múó coco ŋwɔ́ɔ a.

Kpɔkplányʋa yi yi á yi a nyoku Kláyɩ́sɩ wleè, kpɔkplányʋa àna yi yi lé á yi a nyoku Lagɔ a nékʋ́cinyʋa kʋ́ bhá, á yi wɔlɩ́ɛ́ ɩ̀ mna nyʋa neé a, yà lɛ̀wɔ̀lɩ kɔ́kɔ́mnɩ́ sɔ́ nɩ, a ká nyʋa nyɩ́glɩ̀, a nɩ nɩ́ kʋ́ mányɩ a, á yi nyʋaá Lagɔ gbázɩ̀ mʋ́ lé ɔ́ wlee à kɔ̀ɔ nɔnʋ zrɩ a, nyɩ́glɩ̀.

Wɔlɩ́ɛ́ ɩ̀ plɩ́ɩ Nowée a tányɩɛ́ a, ɩ́mɩ́ nà kà Nyɔɔ́ a Yuwliyʋɔ́ a yiyitanyɩ plɩ́ɩ. Tányɩɛ́ mʋ́ nyú kádʋ̀ɔ̀ bhla bhè ʋ́ yíe kɔ́ kʋ́ a, nyʋa lie wá, á mná wá, á síé wá lé á síe wá a yúó, fɩ́ɛ́ lé Nowée ká gɔ́kádʋ̀ɔ̀ a mnɩ́ pla. Nyʋa nɩ́ɩ́ mányɩ, a nɩ́ɩ́ wɔlɩ́ kʋ́ bhá, lé nyúó dúo bhlí lé ʋ́ bhla lé ʋ́ fa á lɔ̀fɩ́ɛ́. Sɩ́tɛ̀ mʋ́ Nyɔɔ́ a Yuwliyʋɔ́ a yiyitanyɩɛ́ na ká kʋʋ̀.