Popularne wersety biblijne z Zään 4

Udostępnij

Laagɔ ‑glö 'Wugɔ nä, ɩ ‑ŋwa 'kʋ nynä ‑mä ‑wa bʋbɔnʋ lä nä, wa bʋbɔnʋ 'wugɔɔ' ‑yä ‑nʋawlɛɛ'.

'Tänyɩ yi ŋëë, 'nɩ ɛ yä wɛzä 'sɩɩ ŋëë, ‑yä nyɩkpaa ‑wa bʋbɔ lä ‑a 'Bä Laagɔ nyaasäsä nä, wa 'kɔ waa' 'wugɔɔ 'mnö bʋbɔ, ‑yä wa 'kɔ 'sɩɩ ‑nʋawlɛɛ 'mnö bʋbɔ. Laagɔ‑bʋbɔnyʋaa' 'cëyɩ nä, wamä 'Bäɔ tään lä.

‑Mä, ‑amʋ, 'naa 'nyuu n 'kɔ lä 'nyɛ nä, ʋ yi gbä 'nɩ 'mnätʋ 'nöɔ ‑läyɩ 'kɔɔn 'bhlä. Ʋ yi ɔɔ' pleyii 'nyiee' glu bhäändä 'plöö, 'nɩ ʋ yio pleyii zelio ‑yä ʋ 'kɔ 'pʋpʋɛ 'nyɛ 'kɔɔkɔɔ ‑za.

'Nɩ Zozii yio soo, ɔ lä ‑n gä bhä Laagɔɔ' 'nyɛnyɛlʋʋ ‑yi nä, 'nɩ ‑lɔɔ ‑ɔ sonö‑ö lä nynä ‑mä ‑n 'nyɩɔ 'nyu ɔ 'kä 'mnä nä, ‑n gɔ bhä 'sɩɩ ‑yi nä, ‑mɔɔ 'titii‑ ‑lä 'gɔ bhlä 'nyuu zlaa. Ɩyä 'nyuu' lʋʋ ‑ʋʋ mnä ‑wʋ lä nä, ɔ 'kä‑ä mʋ bhä 'nyɛ.

'Nɩ Zozii yiwa soo, ɔ lä 'naa lülülɩɩ, ɩmɩɩ‑ plöö‑ lä nynä ‑mä, ‑lɔɔ ‑ɔ ‑lobho'o lä nä, n nʋ ɔɔ' pɔlösaa, ɩyä ɔɔ' lebhee, n 'kɛ ‑zɔɔ bhɩä.

'Ŋnɔɔ lä Cɩanyɔ‑, ‑nn ‑kä 'mö 'plüü lʋʋ ‑kä, 'nɩ 'nyusɔkwaa ‑tlʋʋ ylä 'mʋ nä, dä ‑sä ‑n 'gä bhä ‑lɔɔ' 'nyuu ‑sää?

'Ŋnɔɔ lä n ‑yi sɔɔ nynä Mesio, wa laa lä 'sɩɩ Klisöɔ nä, ɔ yi yi. Ɔ kä ‑yi nä, ɔ yi‑anyɩ wälɩɩ 'fɩɩn 'mʋ ‑säsä. Zozii lä ‑amʋ, ‑lɔɔ ‑ɔ ‑yä ‑mɔɔ 'sɔ sää lä 'mʋ nä, ‑amʋʋ‑ plöɔ lä.

Ɔ lä a yi a 'kä wloo ‑mä nyɩkpɔ! Ɔ ‑sonö'ö 'naa yëkuu' wälɩɩ 'fɩɩn nä, Klisöɔ 'mɔɔ‑ bhä ‑lɔɔ ‑kʋ ‑a?