Popularne wersety biblijne z Pianciilna 50

Udostępnij

Note in a sia nong sawm uh hi, ahizong tua thupiang sia hu in tuni a, a nungta mihing tam mama te ii nuntakna a huu tu in, Pathian in tuasia a pha lam in hong heisak hi.

Ahizong Joseph in amate tungah, “Lau heak vun; Pathian dinmun ah keima le keima kikoi thei ngawl khi hi.

Bangma no lau natu om ngawl hi. Note le na tate kong khoi tu hi,” ci hi. Tuabangin Joseph in a suapuite thinsung lungsung kha tu in kamthiam kamneam zanghin a suapuite thinnuamsak hi.

ama in, ‘Na suapuite ii nang tung a kong vawt khialna lian sia hesuakna taw maisak ta'n,’ ci in nang tungah hesuak ngen vun hong ci hi. Tu in na pa ii Pathian naseam kote ii vawt khialna sia pan hesuakna taw hong maisak ta'n,” ci in kam vaitha uh hi. Joseph sia hi kam vaithak a zaak ciang kap hi.

Ama in a suapuite tungah, “Kei a thi nai tu ka hi hi, ahizong Pathian in note hong keam tatak tu a, hi ngam pan, Abraham, Isaac le Jacob te tungah a ciliap huai takin a kamciamna ngam ah hong paipui nanak tu hi,” ci hi.

Tua zawkciang Joseph in a mite kiciamna khat vawt tu in sawl hi. Ama in, “Pathian in tua ngam ah hong paipui ciangin noma taw ka luang paipui tu khu hi ci in hong kamciam tavun,” ci hi.

Tuabangin Joseph kum 110 a phak ciang Egypt ngam ah thi hi. Amate in Joseph luang a muat thei ngawl natu in vawtin, mithi kuang khat sungah koi hi.