Popularne wersety biblijne z रोमियो 3

Udostępnij

ऐठणीरै तेईनी कि सभनियें पाप क्यौरा जां तेन्हैरै बोलै तैस महिमा तेईनी ना पुजियु, जै परमेश्वर दींता। पण परमेश्वरै अपड़ै अनुग्रह ला यीशु मसीहरै द्वारा असै, असेड़ै पापा केरी सजाय किना बचाय जां असेड़ै किछ कांने बगैर-ऐ परमेश्वरै असै धर्मी बंणाय।

मतलब असै जेख्णी यीशु मसीह पन विश्वास कातै ता परमेश्वर असु धर्मी बंणा दींता। केईनी कि परमेश्वर सभनियां सिंउ अक सैयि बर्ताव काता

परमेश्वरै यीशु मसीह असेड़ै पापा केरै तेईनी बलिदान भूंणेरै तेईनी भेईजा। यीशु मसीह अपड़ा खून बहा, ताकि तैस पन विश्वास कांने ला असै परमेश्वरा किनि नीड़ अईछी सकिया। जां परमेश्वरै ऐ ऐठणीरै तेईनी कियु ताकि सै ऐ लुहाय सकिया कि अतीत मझ तेनी सही कियु, जेख्णी तेनी पापियनि माफ कांनेरै तेईनी धीर लुहाथिया। सै ऐ बि बोलता कि परमेश्वर सही आ जेख्णी सै मसीह पन विश्वास कांनारा ग्रहण काता।

केईनी कि व्यवस्थायरा पालन कांने ला कोई बि मैहणु धर्मी ना भूंणा, पण मूसेरी व्यवस्था असुनि लुहाती कि असै पापी अत्तै।

जिहीं कि पवित्र शास्त्रा मझ लिखोरू आ; कि परमेश्वरेरी नजरी मझ कौ बि धर्मी ना, अक बि ना। ऐतिया अक बि मैहणु ना, जै सही मझ समझता भुईया कि क्या सही आ; कौ बि परमेश्वरा जांणना ना चांहथा। तैन्हैं परमेश्वरा पन विश्वास कांना छडि दितौरा, हर कोई परमेश्वरेरै तेईनी बेकार भौ गियौरा; कोई बि भलाई कांनार ना, अक बि ना।

ऐठणीरै तेईनी असु पता कि मैहणु व्यवस्था मनणै ला ना पण यीशु मसीह पन विश्वास कांने ला-ऐ धर्मी बंणना।

ना! बिल्कुल बि ना! बेशक हर अक मैहणु झूठा निकोहिया, तांबि सच्चा ता परमेश्वरै निकूंणा; जिहीं कि पवित्र शास्त्र परमेश्वरेरै बारै मझ बोलता, “जेनि ला तु अपड़ि गलै मझ धर्मी बंणिया जां न्याय कातै टैंमा तु जीत हासिल करिया।”