Popularne wersety biblijne z रोमियो 13

Udostępnij

पण प्रभु यीशु मसीह तुवाड़ा कवच बणि गहिया, जेनि ला तुवाड़ी रक्षा भौ सकिया, जां पापी स्वभावेरी ईच्छाय पूरी कांनेरी कोशिश मेईं करा।

तुहां सभनियां सिर्फ एकि गलैरै कर्जदार भूंणु चेहिंथु जां सैकेई ऐ आ कि तुवे सभ योकिया सिंउ प्रेम रखा; केईनी कि जै योकिया सिंउ प्रेम रखता, तेनिऐ व्यवस्था पूरी क्यौरी आ।

हर अक मैहणु प्रधान अधिकारिया केरै आधीन रिय्हा; केईनी कि सारै अधिकार परमेश्वरेरी तरफ सिंउ अत्तै, जां जै अधिकार अत्तै, सैक्यै परमेश्वरेरी तरफ सिंउ ठहराउरै अत्तै।

ऐस बुरी दुनियें मझ रींहणैरा असैड़ा टैंम अक रात खत्म भूंणा सैयि लगभग खत्म भौ गियौरा। जां सैक्या टैंम बि नीड़ आ, जेख्णी मसीह वापस ऐईणु; ऐठणीरै तेईनी असु अंधारै सिंउ जुड़ौरै कंम कांने बंद करि दींणै चेहिंथै, जां प्रगड़ु सिंउ सम्बंधित हथियार लै लींणै चेहिंथै।

प्रेम पड़ोसिरी किछ बुराई ना काता, ऐठणीरै तेईनी अगर असै प्रेम कातै, ता असै परमेश्वरेरी व्यवस्था पूरी कातै।

ऐठणीरै तेईनी जैसनि जै किछ दियूंणु निर्धारित आ, तेसनी सै दिया; जैस कर चेहिंथा, तेसनी कर दिया; जैस चुंगी चेहिंथी, तेसनी चुंगी दिया; जां सभनियांं अधिकारियनी पूरा आदर दिया।