Popularne wersety biblijne z रोमियो 1

Udostępnij

आंउ मसीहरै बारै मझ खुशखबरिरा प्रचार कांना गर्व समझता, अपड़ि सामर्थी ला परमेश्वर तैन्हांं सभनियांं केरा उद्धार काता, जै ऐस खुशखबरी पनि विश्वास कातै, सभनियांं पेहिलै ता यहूदिया मैहणुवां केरा जां तैन्हांं केरा बि जै यहूदी मैहणु नत्तै।

केईनी कि खुशखबरी असुनि ऐ शुणांती आ कि परमेश्वर किहीं-चारै मैहणुवां अपड़ि नजरी मझ धर्मी बंणाता; सैक्या शुरूवाति किना लै-करि लाष्ट तेईनी विश्वासा पन टिकौरा; जिहीं पवित्र शास्त्रा मझ लिखोरू आ, “सैक्या मैहणु जै विश्वासै ला परमेश्वरा सिंउ सही ठहरौरा, सै जींता रींहणा।”

परमेश्वरेरी अनन्त सामर्थ जां गुण ना तकाई सकतै। पण ऐ गलै परमेश्वरै सृष्टिरी शुरूवाति किना, ऐपु बंणाउरिया सभनियांं चीजै ला लुहाओरू आ। ऐठणीरै तेईनी तैन्हांं मैहणुवां किनि ऐक्यु बोलणनी कोई बहाना ना कि सैक्यै परमेश्वरा ना जांणतै।

ऐठणीरै कारण कि तैन्हैं परमेश्वरेरै बारै मझ जांणि करि बि तैन्हैं तेसैरा परमेश्वरा सैयि आदर ना केया जां ना तेसैरा धन्यवाद केया, पण सैक्यै ऐहीं कांनु पूरी मूर्खता समझतै। ऐठीणीरै तेईनी कि तेन्हैरै विचार बि मूर्खा सैयि गलत अत्तै।

केईनी कि सैक्यै परमेश्वरेरै बारै मझ सच्चाई पन विश्वास कांना छडि दींतै जां सैक्यै तैस मनि लींतै जै झूठ आ। तैन्हैं परमेश्वरा छडि करि जै परमेश्वरै चीजै बंणाउरी थी, तेन्हैरी अराधना जां सेवा की। जै सभनियां चीजा बणांणार आ। तेसैरी अराधना हमेशा भूंती रिय्हा। आमीन।

परमेश्वरैरा गुस्सा स्वर्गा किना तैन्हांं मैहणुवां केरी सारिया बुराईया जां अधर्मेरै कंमा पन प्रकट भूंता, जै अपड़ै बुरै कंमै ला मैहणुवां परमेश्वरेरै बारै मझ सच्चाई जांणना किना रौकतै।

ऐठणीरै तेईनी परमेश्वरै सैक्यै बुरी ईच्छाईया केरै हवालै करि दित्तै; ऐठि तेईनी कि तैन्हांं केरी जनेनियें बि अपड़ा सिधा-साधा स्वभाव छडि करि होरनियां जनेनियां सिंउ वासना बाऐ गलत कंम कियै। तिहियें मैहणुवें बि जनेनियां सिंउ सिधा-साधा स्वभाव छडि करि योकिया मझ वासनायरी आगी मझ फुकियूंणा लगै जां मड़दै, मड़दा सिंउ गलत सम्बंध बंणा ल्यै। ऐठणिरी वजहि ला सैक्यै परमेश्वरेरी सजायरै हकदार भौ गांहथै। केईनी कि तैन्हैं परमेश्वरा परियांणना किना नमां करि दित्ता। ऐठणीरै तेईनी परमेश्वरै बि सैक्यै, सै सारै गलत कंम कांनेरै तेईनी तैन्हांं केरै निकम्मै मंनेरै वशा मझ छडि छडै।

हलाँकि तैन्हैं अपुनी समझदार भूंणैरा दावा केया, पण सैक्यै मूर्ख बंणी ग्यै। जां हमेशा जीवित रींहणै बाऐ परमेश्वरा छडि करि तैन्हैं नाश भूंणै बाऐ मैहणुवां, पंछिया, पशुवा जां कीड़ा केरी मूर्ती बंणा करि तेन्हैरी अराधना की।