Popularne wersety biblijne z फिलिप्पियों 4

Udostępnij

कोस बि गलेरी चिंता मेईं करा, पण हर हालाता मझ तुवाड़ा निवेदन, प्रार्थनाय जां विनती सिंउ धन्यवाद करि-करि परमेश्वरा सांमणै रखियो।

तां फिरी परमेश्वरा तुहांनि शांति दींणी, जैस तुवाड़ै मंन जां तुवाड़ै विचार यीशु मसीह मझ सुरक्षित रखणै।

ऐठणीरै तेईनी मिन्डै विश्वासी भाईयो, जै-जै गलै सच्ची अत्ति जां जै गलै आदरै बाई अत्ति, जां जै धर्मी अत्ति जां जै गलै पवित्र अत्ति, जां जै गलै छै अत्ति जां जै गलै मंन-खुश कांने बाई जां जै बि अच्छै संस्कारै बाई जां तारीफि बाई अत्ति, ऐन्हां सभनियां गला मंना मझ सोचियां करा।

मसीह मूंनी सामर्थ दींता, तेसैरी मजति ला आंउ सभ-किछ करि सकता।

तुवे मैहणु प्रभु मझ हर टैंम आनन्दित बेशा; आंउ दुबारे फिरी बोलता कि आनन्दित बेशा।

जां असेड़ै पिता परमेश्वरा अपड़ै आपार धंनेरै जरियै यीशु मसीह मझ तुवाड़ी हर जरूरत पूरी कांनी।

जै गलै तुहैं मूं किना शिख्री जां ग्रहण की जां शुणि जां मूं मझ तकाई तैन्हांं मनियां करा तेख्णी शांति दींणै वा परमेश्वर तुहां सेईतै भूंणा।

तुवाड़ी सहनशीलता सभनियां मैहणुवां पन प्रकट भुईया। प्रभु छुईं ऐ ऐईंता।

आंउ बड़ु घट मझ बि जींणु जांणता जां जरूरती किना जादु मझ बि रींहणु जांणता, हरेक गलैरै बारै मझ जां सारा हालाता मझ तृप्त भूंणु जां जेख्णी मूं किनि खांणुनि बड़ु किछ भूंतु जां मूं किनि खांणुनि बड़ु घट भूंतु दोईयो हालाता मझ रींहणु शिख्री लियौरू आ।

आंउ ऐ ऐठणीरै तेईनी ना बोलता कि जै मूं चेहिंथु तेठणिरी मूं किछ कंमि थी, केईनी कि मीं हर हालाता मझ संतुष्टी कांनी शिख्री लियौरी आ।