Popularne wersety biblijne z मत्ती 12

Udostępnij

जां आंउ तुहां सिंउ बोलता, कि न्याएरी धियाड़ी हर एकि मैहणु अपड़ि बोलोरी हर-एकि निकंम्मी गलैरा हिसाब-किताब दींणा पूंणा। केईनी कि परमेश्वरा न्याय कांना जां मैहणु अपड़िया गला केरै कारण दोषी जां निर्दोषी ठहराइयूंणा।

तुवे जेहरीला कीड़ा केरै बच्चा सैयि अत्तै, तुवे बुरै भौ करि बि अच्छी गलै किहीं करि सकतै? केईनी कि जै मंना मझ भरौरू भूंतु सैहै मुहां किना निकूंथु।

अच्छै मैहणु अच्छी गलै बोलतै केईनी कि सै अच्छी गलै किठैरी करि अपड़ै मंनेरै भंडारा मझ रखतै, जां बुरै मैहणु अपड़ै मंनेरै भंडारा किना बुरी गलै कढता।

ऐठणीरै तेईनी आंउ तुहां सिंउ बोलता, कि मैहणुरै हर प्रकारेरै पाप जां निंदा माफ भौ गांहणै, पण जै कौ पवित्र आत्माईरै कंमा केरी निंदा करि-करि तेसैरा विरोध करैला, ता परमेश्वरा तेन्हांनि कदि माफ ना कांनु।

अगर बुट अच्छु आ, ता तेसैरा फल बि अच्छा आ। अगर बुट खराब आ ता तेसैरा फल बि खराब भूंणा; केईनी कि बुटेरी परियांण फुला किना भूंती।