Popularne wersety biblijne z यहुन्ना 16

Udostępnij

मीं तुहां सिंउ ऐ सभ गलै ऐठणीरै तेईनी बोलि कि, तुहांनि मूं मझ सुख-शांति मेईया। संसारा मझ तुहां दुख-दर्द सेहन कांना पूंणा, पण होंसला रखा; मीं इस संसारा मझ राज कांनारा शैतान हरा दितौरा आ।”

पण जेख्णी सै सच्चाईरा आत्मा ऐईंणा, ता तुहांनि परमेश्वरेरी सच्चाईरै बारै मझ सभ-किछ शुणा दींणु; केईनी कि तैस अपड़ि तरफ सिंउ ना बोलणु पण जै किछ तैस परमेश्वरेरी तरफ सिंउ शुणनु सैहै बोलणु, जां जै गलै ऐईंणै बाऐ टैंमा मझ भूंणी सै तुहांनि शुणा दींणी।

यौ-तेईनी तुहां मिंडै चैलै भूंणेरै नातै किछ ना मगोरू: परमेश्वरा किना मगेलै ता तुहांनि मेईंणु, ताकि तुवे खुश भौ गहिया।”

तांबि आंउ तुहां सिंउ सच-सच बोलता आ: मिंडु गांहणु तुवाड़ै तेईनी छै आ। अगर आंउ ना ग्या ता सै सहायक तुहां किनि ना ऐईंणा। जेख्णी मूं गांहणु ता सै मूं तुहां किनि भेईजणा। जेख्णी तैस ऐईंणु ता संसारैरा मैहणुवंनी पापेरै, धर्मेरै कंमा जां न्यायरे बारै मझ यकीन दिवांणा।

ऐहियें-चारै तुवे मैहणु बि ऐमिहां दुखी अत्तै, पण फिरी मूं तुहां सिंउ मिलणु ता तुवाड़ा मंन खुशी ला भरी गांहणा, जां तुहां तैस खुशी मंनाणा किना कौ बि रौकि ना सकता। तैस टैंमा जेख्णी तुहां आंउ फिरी तकांणा ता तुहां मूं किना कौ सवाल ना पुछणा। आंउ तुहां सिंउ सच-सच बोलता कि, जै किछ बि तुवे पिता परमेश्वरा किना मिंडै चैलै भूंणेरै नातै मगेलै तेसनी सै सभ-किछ मेयि गांहणु।

आंउ तुहां सिंउ सच-सच बोलता आ कि, मिंडी मोउती किना बाद तुहां लैरी दींणी जां पछताणु पण संसारैरा मैहणुवां खुशी मंनाणी। तुहां दुख मंनाणा पण जेख्णी आंउ तुहां जींता तकांणा ता तुवाड़ा दुख खुशी मझ बदली गाहणां।