Popularne wersety biblijne z गलातियों 5

Udostępnij

सैक्यै गुण जै पवित्र आत्माय ला पेईदा भूंतै, सैक्यै फल प्रेम आनन्द, शांति, दया, भलाई, योकिया केरै तेईनी विश्वासयोग्य भूंणै, नम्रता जां संयम अत्तै; ऐतियै-ऐतियै कंम कांना मझ कोई व्यवस्था ना।

पण आंउ तुहां सिंउ बोलता, कि तुहां पवित्र आत्मायरी अगुवाय मझ चलणैरी जरूरत आ, तां तुहां सैक्यै बुरै कंम ना कांने, जै तुवाड़ा पापी स्वभाव तुहां किना करांणा चांहथा।

असुनि असैड़ा नवाँ जीवन परमेश्वरेरै आत्माय ला मेईंता जां ऐठणीरै तेईनी असुवां जिहीं परमेश्वरैरा आत्मा चलांता, तिहीं चलणु चेहिंथु।

जेख्णी मैहणु यीशु मसीह सिंउ रिश्ता रखतै, ता सैक्यै अपड़ै पाप बाऐ स्वभावै ला ना चलतै। ऐ ऐतियु आ, कि जिहीं अबै तेन्हैरा पाप वा स्वभाव क्रूसा पन चाढ़ी छडौरा।

तुहां सभनियां पता, कि मैहणु अपड़िया ईच्छाईया पिचोरै चलतै, सैक्यै कितु-कितु कातै अत्तै, व्यभिचार, गन्दै कंम, लुचपन, मूर्ती पूजा कातै, सैक्यै जादु-टोंणा जां अपड़ा साउगिया सिंउ नफरत कातै, सैक्यै योकिया सिंउ झगड़ै कातै जां सैक्यै तैन्हांं चीजा हासिल कांनेरी कोशिश कातै, जै होरनियां किनि भूंती। सैक्यै छुईं गुस्सै भौ गांहथै। सैक्यै अपड़ा मतलब लींणैरै तेईनी होरनियांनि नीचा लुहातै, तैन्हांं मैहणुवां सैक्यै अस्वीकार कातै जै तैन्हांं सिंउ सहमत ना भूंतै जां तैन्हांं सभनियां सिंउ जुड़ी गांहथै, जै तैन्हांं सिंउ सहमत भौ गांहथै। सैक्यै योकिया केरा दुख कातै। सैक्यै नशै मझ मतवालै भौ गांहथै, सैक्यै ऐतेई धामि मझ गांहथै, जेठि मैहणु अपड़ि भ्रुख अपड़ै वशा मझ ना रखतै। जां सैक्यै ऐतियै होरै सभ बुरै कंम कातै; आंउ तुहांनि चेतावनी दींता, जिहीं मीं पेहिलै बि तुहांनि चेतावनी दितोरी थी, कि जै मैहणु ऐतिया कंम कातै सैक्यै परमेश्वरेरै राज्यरै वारिस ना भूंणै।

मिंडै विश्वासी भाईयो, तुवे परमेश्वरै आजाद भूंणेरै तेईनी शदाउरै थ्यै जां ऐठणीरै तेईनी अबै तुहां मूसेरी व्यवस्थायरा पालन कांनेरै कोई जरूरत ना; पण ऐस आजादिरा फायदा लै-करि तुवे अपड़ै शरीरानि तेसैरी ईच्छाय पूरी कांनेरा मौका मेईं देया; पण ऐस अपड़ि आजादिरा इस्तेमाल तुवे प्रेम सिंउ योकिया केरी सेवा कांनेरै तेईनी करा।

केईनी कि असेड़ि पाप बाई ईच्छाय पवित्र आत्मायरै खिलाफ अत्ति जां ऐ दोईयो शक्ति योकिया सिंउ लगातार भिड़ियूंती रींहथी; ऐठणीरै तेईनी कि तुवे हमेशा तैन्हांं अच्छै कंमा ना करि सकतै, जैन्हां तुवे कांना चांहथै।

पूरी व्यवस्थायरा मतलब सिर्फ एकि ऐ गलै मझ छपौरा, कि तु अपड़ै पड़ोसी सिंउ तेतिया प्रेम कर, जेतिया तु ऐपु सिंउ काता।

असु घमण्ड ना कांना चेहिंथा, असु योकिया सिंउ गुस्सै ना भूंणु चेहिंथु जां योकिया केरा दुख ना कांना चेहिंथा।

मसीह असै मूसेरी व्यवस्थायरा पालन कांना किना आजाद क्यौरै अत्तै, ताकि असै कदि बि तैस व्यवस्थायरै गुलाम ना बणियां। ऐठणीरै तेईनी अपड़ि आजादी मझ अटल रिय्हा जां अपांणा फिरी गुलाम बंणना मेईं दिया।