Popularne wersety biblijne z इफिसियों 1

Udostępnij

आंउ ऐ बि प्रार्थना काता कि तैस तुहांनि सच्चाई जांणना मझ बि मजत कांनी जां तुवे तैस उम्मीदि जांणि ल्या, जेसेरै तेईनी तुवे तेनी चुणोरै अत्तै; ताकि तुवे जांणि सकिया, कि सैकेई आशीषि क्यौति महान जां महिमा कांने बाई अत्ति, जेन्हैरा वायदा परमेश्वरै अपड़ै पवित्र मैहणुवां सिंउ क्यौरा। आंउ चांहथा, कि तुवे तैस महान जां शक्तिशाली सामर्थिरै बारै मझ जांणा, जै परमेश्वरा किनि असु मसीह पन विश्वास कांनारा केरै तेईनी आ। ऐ सैकेयि महान शक्ति आ, जेठणीरा इस्तेमाल परमेश्वरै तेख्णी क्यौरा थ्या, जेख्णी तेनी मसीह जींता केईथ्या जां जेख्णी तेनी मसीह स्वर्गा मझ अपड़ै देहिणै पासै सम्मान सिंउ रखा। तैड़ि हर प्रकारेरी प्रधानता, अधिकार, सामर्थ, जां प्रभुता दितोरी आ। जां तेसैरा औधा सभनियां अधिकारिया केरै औधै किना प्रन आ; चाहै ऐ इस युगेरै भुईया या ऐईंणै बाऐ युगेरै भुईया।

खास कर संसारेरी रचना भूंणा किना पेहिलै मसीह सिंउ असेड़ै अक-जुट भूंणेरै कारण परमेश्वरै असै अपड़ै भूंणेरै तेईनी पेहिलै चुणी ल्यै, ताकि असै तेसेरै सांमणै पवित्र जां निर्दोष बणियां। केईनी कि परमेश्वरै असु सिंउ प्रेम केया, ऐनि वजहि ला तेनी बड़ै पेहिलै फैसला क्यौरा थ्या, कि तैस यीशु मसीहरै द्वारा असै अपड़ि संतान भूंणेरै तेईनी गोद लींणै। परमेश्वरै ऐहीं अपड़ि ईच्छाय जां खुशी सिंउ कियु।

मसीहरा खून बहांणै ला असैड़ा छुटकारा भौरा, मतलब असेड़ै पाप माफ भौ ग्यै। परमेश्वरैरा अनुग्रह बड़ा महान आ, जै तेनी असुनि बड़ा जादा दितौरा।

असेड़ै परमेश्वरेरी जां प्रभु यीशु मसीहरै पिताऐरी महिमा भुईया, जेनि असुनि मसीहरै जरियै स्वर्गा किना मेईंणै बाई हर प्रकारेरी आशीषै दितोरी अत्ति। ऐ मसीह सेईतै असेड़ि ऐकतायरै कारण भौरू आ।