Popularne wersety biblijne z 2 कुरिन्थियों 4

Udostępnij

केईनी कि असै अपड़ा ध्यान तैन्हांं चीजा पन ना ला, जै लाधी ऐईंती; पण तेत पन ला, जै लाधी ना ऐईंती। जै किछ लाधी ऐईंतु, सै थोड़ी देर तेईनी आ; पण जै लाधी ना ऐईंतु, सै अनन्त काल तेईनी बंणी रींहथु।

ऐठणीरै तेईनी असै निराश ना भूंतै; असैड़ा भेईरियां शरीर कमजौर भूंता, तांबि असैड़ा आत्मा दिन-प्रतिदिन नवाँ भूंता। असेड़ि इस टैंमेरी मुश्किलै जादी नति जां ऐ जादा देर ना रींहणी; केईनी कि ऐन्हैं ला अनन्त महिमा भूंणी, जै तैन्हांं सभनियां चीजा किना जादी भूंणी, जेसेरी असै कल्पना ना करि सकतै।

असुनि बड़ी सारी परेशानी पियोरी भूंती; पण असै कदि निराश भौ-करि हार ना मनतै। असु पन अत्याचार भूंता, पण असै अपांणा छडावरा ना भूंता, असु गिरांणेरी कोशिश भूंती, पण असै नाश ना भूंतै।

अबै असैड़ा दिला मझ ऐ प्रगड़ु चमकतु आ; जां असै मिट्टिरा तैन्हांं नाजुक भांडा सैयि अत्तै, जैन्हां मझ ऐ खजाना भरौरा। ऐ योउती सामर्थ, जेसैरा कोई अन्दाजा ना, ऐ असेड़ि ना, पण परमेश्वरेरी सामर्थ आ।

इस संसारैरा भगवान, जै शैतान आ, तेनी तैन्हांं अविश्वासी मैहणुवां केरी बुद्धी मलीन करि दितोरी आ; ताकि मसीह तैस खुशखबरिरा जै सन्देश आ, तैस ना समझि सकिया; केईनी कि खुशखबरिरी महिमाय ला असु पता लगी गांहथा, कि सचमझ परमेश्वर केतिया आ।

ऐठणीरै तेईनी परमेश्वरै बौलु, “अन्धारू मझां प्रगड़ु चमकिया” जां परमेश्वरै ज्योति सैयि असेड़ै दिला मझ समझ दित्ती, ताकि असै परमेश्वरेरी सै महिमा तका सकिया, जै यीशु मसीह मझ प्रकट भूंती।