Popularne wersety biblijne z रोमियून 8

Udostępnij

हम जाणनू कि जो लोग परमेश्वरा का दगाड़ प्रेम राखनान, उन लोगून खिन सब बात मिलभेरन निको अंत ल्यूछो। और उकी इच्छा का अनुसार चुनी ग्यान, परमेश्वर उनेरि भलाई खिन सबै बातुन में उनेरि मद्दत करछो।

क्याखिनकि मैंस पुरो भरोस छै, कि कोई ले हमून प्रेम करूनवाला मसीहा है दूर नै लिजा सकनो; येले के फर्क नै पड़नो की हम मरा नै जीया; नै स्वर्गदूत, और नै शासक, नै स्वर्ग की शक्ति, नै उच्चो और नै गैरो हमून परमेश्वरा का प्रेम भटे अलग कर सकनी, जो हमारा प्रभु यीशु मसीह में छै और भविष्य में कि होलो, संसार में जेले छै उ हमून उक प्रेम भटे अलग नै कर पालो।

इसीकैं पवित्र आत्मा ले हमरि मद्दत करछो जब परमेश्वर में हमोरो विश्वास कमजोर छै। किलैंकी हम नै जाणना, की प्रार्थना कसकै करून चैंछी; लेकिन पवित्र आत्मा खुदै आहें भरभेरन, जेका बारिमें हम बात नै कर सकना, हमून खिन बिनती करछो।

इन सब बातुन ध्यान में राखभेरन, हम यो नतिज में पुजनू, अगर परमेश्वर हमार तरफ छै, तो कोई ले हमून हरा नै सकनो।

यो कारण ले अब जो यीशु मसीह में छन, किलैंकी उनूनमें सजा को हुकुम नाहातिन।

जो लोग पापी स्वभाव का अनुसार जीन्दगी जीनान उन बुरी बातुन का बारिमें सोचनान, जेको नतीजा मौत छै। लेकिन जो पवित्र आत्मा का अनुसार जीन्दगी जीनान उन उ बातुन का बारिमें सोचनान जो आत्मा स खुश करछी, जेको नतीजा जीन्दगी और शान्ति छै।

लेकिन इन सब बुरी बातुन में हमून उक द्वारा जेले हमूथैं प्रेम करछै, जीत पुरी तरीका ले हमरि छै।

मैंखिन यो बात साफ छै की जो महिमा हमून बाद में परमेश्वर दिनवालो छै, उ यो दुख भटे भौत ठुल छै जो हम अब सैहन करूनमर्यान।

कोई ले हमून मसीहक प्रेम भटे अलग नै कर सकनो। नै मुसीबत, नै खतरा, नै दंगा, नै अकाल, नै कंगाली, नै जोखिम, नै तलवार।

और हमार मनून को जांचूनवालो परमेश्वर जाणछो कि पवित्र आत्मा कि कुनमर्यो? क्याखिनकि उ पवित्र लोगून खिन परमेश्वर की इच्छा का अनुसार बिनती करछो।

येक कारण जतुक ले लोग परमेश्वरे की आत्मा का अनुसार जीवन जीनान, उनी परमेश्वरा का नान्तिना छन।

जो लोग पापी स्वभाव का अनुसार जीन्दगी जीनान उन बुरी बातुन का बारिमें सोचनान, जेको नतीजा मौत छै। लेकिन जो पवित्र आत्मा का अनुसार जीन्दगी जीनान उन उ बातुन का बारिमें सोचनान जो आत्मा स खुश करछी, जेको नतीजा जीन्दगी और शान्ति छै।

परमेश्वर ले अपून एकलौता च्याला स ले नै बचायो, लेकिन उले हमून में अनुग्रह करभेरन ऊस हमार पापून खिन अपून दुश्मनून सौंप दीछ, त उ हमून सब चीज द्योलो जेको उले वादा कर रैछ।

पवित्र आत्मा खुदै हमरि आत्मा का दगाड़ गवाही दीछो, की हम परमेश्वरे की सन्तान छा। और अगर हम उको संतान छा, त हम उक वारिस छा, और परमेश्वरा का वारिस यीशु मसीहक दगाड़ वारिस छा। अगर हम यीशु का नियाती दुख सहला, त हम उकी महिमा में ले हिस्सादार हूँला।

क्याखिनकि पापी स्वभावाक अनुसार जीन्दगी जिन वालो आदिमी परमेश्वर भटे बैर राखछो, क्याखिनकि नै त पापी स्वभाव परमेश्वरा का नियम-कानून का अधीन छै और नै नियम-कानून को पालन कर सकछो

क्याखिनकि पुर संसार ठूली आश लगाभेरन उ बखतो को इन्तजार करूनमर्योछ कि कब परमेश्वर अपूनो सन्तानून प्रगट करोलो।

क्याखिनकि हम जाणनू कि जब भटे आदम ले पाप करछय, तब भटे लीभेरन अब तक परमेश्वर द्वारा करिनाको सारो संसार एक स्यैनि का नियाती पीड़ सैहन करूनमरे जसकैं ऊस नान्तिना स जन्मदिन में हुछी।