Popularne wersety biblijne z Luuka 6

Udostępnij

Vaani, na Nzambi sa ava benu. Sa basyeholo hyetso hi hyafulala, hi hyakomo hutso bihode bya benu. Mu tooni ati Nzambi sa afutala benu hyetso hi benu libaava bambaahi.»

Muutu wu mubwe ubamweese mavaanga ma mabwe ma mali hutso iswehili hi ibwe hi hili mu nde. Muutu wu mubi ubamweese mavaanga ma mabi ma mali hutso mutima a nde. Munywa a muutu ubapalisa mambu ma maluula hutso iswehili hi ibi hi hili mu nde.

Ka baatondwaani baboho baa benu, baasiilaani bo ma mabwe, baasombesaani hwavele ubaakeele ti bafutala benu. Buna musyendo a benu sa aba wu munene. Benu sa liba baana ba Nzambi a Pungu, mu tooni ati nde li wu mubwe huli banga nyinga na banga bukanyi.

«Kwilaani lingebe we bu Taata a benu haluula mu kwili lingebe.

A litsundasa ve, mana Nzambi a hatsundasa benu ka. A lisyembe ve, baasaani bana kolo-kolo, mana Nzambi asa benu ka kolo-kolo.

Benu baa lili mu uyuha me, me ndeele benu bu: tondwaani baboho baa benu; baasaani lilibwe huli ba bali mu ubelele benu. Syemaani ba bali mu usinga benu; sambilaani Nzambi mu ba bali mu ukwamisa benu.

Ma benu litondi ti bakima bavangila benu, vaangaani bumosi ka huli bo.

Tso muutu teti we lipali mu tama la mbahala, bwetehele nde kaka tama lina. Muutu avolo iyunga hya we, a liha nde mu uvolo ka simiisi a we ve. Pasi muutu wu uvondo we iloho, va nde hyo. Na tso muutu voli hya we, a kaamba nde hyo ve.

A huli na muti wu mubwe, wu ubaabuta mbutu yimbi ve. A huli na muti wu mubi, wu utwala ubuta mbutu yimbwe ve.

Mu tooni ati, pasi muti ubayabaana mu mbutu a nde. A bubaakoolo bafiinge mu yulu matsyende ve. Bumosi kaka, utwala ukoolo mbutu a vinye mutso miti mi ifundi ve.