Popularne wersety biblijne z Mag 13

Udostępnij

Bəd məjìm biri bàn awən imbə̀ʼ amə, si ya gha, wə̀d we ne nyìʼi ghò pè ane ìnwḭ, Ŋwiye biri chì aməd inga ngəʼ.”

Ane mbə̀ we awən, chughi ikyèʼi imbə̀ʼ icheg ne chəyi mbə̀ kyeri nyùmə̀ we ne Ŋwan Wə̀d biri ywiri yeʼe.

Anyumə̀ ne mbi gwi awən ghò imbìghè itog bəd ne sàʼa aben, imbə̀ʼ mbə̰ nwìʼè awən nyɔd imbə̀ʼ anug ne mbə̀ biri ghà. Mbə̀ gha məyi anug ze ne Ŋwiye gha inən ane nyùmə̀ we imbə̀ʼ icheg ne à ya Azwighi Ŋwiye ghàmà, kayi mbə̰.

Ikaŋ fɔrɔ ìseg biri chè, si ya gha chəyi ìmə ìngam biri nɔ̀ chè atog ako.”

Yeso ya chè imbìghè ghà inɔn gha, “Chəyi wə̀d mɔ̀ʼɔ kyeri aneg ze kə̀ nyùmə̀ we ne inug mbo̰ biri dù, ka bèyi mbè angirə̀ mbe ne yaʼi ikaŋ kə̀ bə̀ Ŋwan. À ya məyi Mbaʼ tèzìʼì wì kyèri.

Anyumə̀ ne mbə̀ zughi gha iben mbe màʼà ibid, bə̀ zug inug imbə̀ʼ icheg ne bəd mbe kə̀b màʼ ibid, imbə̀ʼ mbə̰ bɔ awən. Inug mbo̰ beri dù, si ya gha kayi kiri nyumə̀ ne isəg biri nwḭ̀yḛ̀ we.

Ane, mbə̀ chughi ikyèʼi imbə̀ʼ icheg ne chəyi mbə̀ kyeri nyùmə̀ ne wə̀d nəb biri yeʼe. Wə̀dnəb we tì wì yèʼe ikwikwiri, kə̀ izimi ka, kə̀ ane inɔm ngub we tɔ̀ŋɔ, kə̀ isusu. Imbə̀ʼ wì sàʼa yèʼe yi pè bàd awən ne mbə gwḛ awən. Ane, anug ne mə ghà inən, ya anug ne mə̀ bə̀ ghà abə bəd məjìm. Anug ze ya gha, ‹Mbə̀ chughi ikyèʼi.›”

Iben biri màʼ ibid tì iben ndəŋ. Iben ne məfɔn mbe tùmbə̀ bə̀ màʼ ibid tì iben ndəŋ ne məfɔn mbe tùmbə̀. Ìseg biri ghùd isiŋi isiŋi, njèg ka ka bə̀ nyi. Inug mbo̰ ya icheg ne àyi ko ni zug tibuʼ anyumə̀ ne we nɔ̀mbɔ.”

Mbə̀ kyeri gha mbi biri bi ghà ikən chɔm inga iben ijìm bɔŋ ìnwḭ se yèʼe.

Bəd nɔʼ nɔʼ biri yeʼe niŋ ìmə ikum yḛ̀ nè gha, ‹Mo ya Wə̀d we ne Ŋwiye zɔ̀ʼi!› Mbi biri ghà ane fèbrì bəd nɔʼ nɔʼ.

“Si ya gha, mbə̀ we awən. Mbi biri gwi awən nàʼ abə itog bəd ne sàʼa aben. Mbi biri sɔm awən inga məchamì Ŋwiye. Mbə̰ biri təm imbìghè mə̀gɔbnà bə̀ təm imbìghè məfɔn ane ìmə ikum ni ghà ikən chɔm inɔb.

Mə̀kristo ako ne biri gha mbɔb ya bəd ne Ŋwiye zɔ̀ʼi, tì bədkə̀n ne ghà inug ako biri dù, ane ghì ineni inug bə̀ ghì inug yeti, imbə̀ʼ fèbrì bəd. Ze mə̀ chwi, mbi fèbrì bəd mbe ne Ŋwiye chɔ̀ʼi.

Yeso ya ghà abə ìmbi mə̀mə̀nənùg gha, “Inga ineg mbe, ane ngəʼ ze fə che yi, ‹nyùmə̀ biri fin, chəyi iməg biri bə zuʼ titəm biri nɔ̀ʼ ikaŋ fendi aseg. Ŋwiye bə chì izwighi ijìm mbe ne yaʼi ikaŋ.›