Popularne wersety biblijne z Ròmànì 14

Udostępnij

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba. O gbèelì tɛ Krirztò ò ene ŋgàna, ò emàyɛ̀lɛ̀hwɛ̀ òma Lohwɛ̀, ndèŋgànɛlɛ hwatò hvɛ hwa ò òhwa nanù ema ò ma gbeyà eyà ya gbamù.

Irzɔ, i hwèlì tɛ ò lòŋgɛ, nanù òma i hwèlì ndi ò lòŋgɛ ò lì gbeyà mamɛ ema e Rzaŋgò ya arza. Ndèŋgànɛ̀lɛ̀ i ŋwelì tɛ, nanù ò ma i ŋwelì ndi ò lì lìŋgirzɛ e Rzàŋgò. O èŋgànɛ̀lɛ̀ rzɔ, tɔ̀ i hwɛ lòŋgɛ, tɔ̀ i ŋwa, i hwèlì ndi ò màà mà ama e Rzàŋgò.

O èŋgànɛ̀lɛ̀ inyɛ i hwɛ ndi ò lì atàkìrzɛ̀ ò lì keka lì gbeyà mamɛ ema e jànà ɛ̀yɔ̀lɛ̀ na ema hwe jò òŋgòwànà ò lì embɛ mɔ̀kɔ na ɔ̀nɛyi.

O èŋgànɛ̀lɛ̀ rzɔ, inyɛ tɔ̀ mɔ̀kɔ wa arzu a rza kàyìrzɛ̀ ɔ̀nɛyi. O ika ò ŋmèma mò aŋgɔ̀ nanù ema, ò rza gbeyà tɔ̀ eyà ema e gbeyà hwahvɛhvɛ hwatò hwa ayirzɛ mataŋgà mà awu tɔ̀ lì kpèeyà ò tenì ya wòhwe.

È tìlahwì ò e kààtì ya Lohwà nanù ema, “Lohwɛ̀ a òhwi nanù ema, ò tɛ̀ɛ̀tɛ̀ɛ na òma imba na hwèlì lòŋgɛ, tɔ̀ ima mòtò a hwɛni lì nò rzumeya mawɔ̀ŋgɔ̀ŋgɔ ma eni ò rze, ndèŋgàna tɔ̀ ima mòtò a hwɛni lì nò eka nanù ema imba ndi na hwèlì Lohwɛ̀.” O èŋgànɛ̀lɛ̀ rzɔ, irzɔ hwa arzɛ i hwɛnì lì tɛ̀meya Lohwɛ̀ ò wòrzò, ò lì mò òhweyà mamɛ ya arzɛ ema irzɔ i ma gbeyɛ.

È emeyà hwatò hwa arzɛ ema lìlòkɛ̀ la awu lì ɔtɔ̀wù, e rzi keka lì tɔ̀wɔ na wɔ̀ lì hvòmɛ̀nɛ̀ hweŋge hweyà hwe arzɛ ema hwa lutelì nanù ema hwa àŋgàmɛ̀nɛ̀ lì gbeyà na hweŋge ema hwa rza àŋgàmɛ̀nɛ̀ ò lì gbeyà.

O wa ò hwèlì ndi njɛnɛ, ò lì kàyìrzɛ̀ e mòkutu wà ama òhvɛhvɛ mòtò e? È rzàŋgò ya awu, yɔ ndi e tànɛyi lì òhwa ŋga hwa gbèyi gbamù, tɔ̀ hwa rza gbèyi gbamù. Ndi e ŋginyà ya ama e Rzaŋgò yɔ ndi e òŋgòwàna òŋgò mòkutu ò lì gbeyà gbamù.