Popularne wersety biblijne z Ròmànì 10

Udostępnij

O wa ò purzɛlɛyi tɛ nanù ema Yerzù a hwèlì ndi Rzàŋgò, rzi ò lòkɛ̀ hvɛ nanù ema Lohwɛ̀ à mà mò hvùmùlɛ̀ ò kpelì, o ò rzùŋgàhwa.

Èhwanja ò lì akeyà na lì lòkɛ̀ la arzu ɔ̀ndi irzɔ ji ikahwa ehve-ehve na Lohwɛ̀. I rzùŋgàhwa ndi ò lì akeyà na lì purzɛlɛ la arzu.

O èŋgànɛ̀lɛ̀ rzɔ lì lòkɛ̀ lì jà ndi, ema mòtò a òkanelì tɛ ŋmɛ̀ndì, ndeŋgànɛ̀lɛ̀ hwatò hwa àŋgàmɛ̀nɛyi lì òhwa ŋmɛ̀ndì mò ama Krirztò aŋga nanù òma hwatò hwà mà mò lòkɛ̀.

È kààtì ya Lohwà e òhwa nanù ema, “Tɔ̀ njɛ̀nɛ ema a mò lòkɛ̀yì a rza ò timba màa matò.” Ène e hwèlì rzɔ ò hwatò hwa arzɛ èhwanja ò rza enje hwekàhweli ema hwanu hwa hwèlì ndi wònyà Yudà, hwanu hvɛ hwa rza enje wònyà Yudà. Lohwɛ̀ a hwèlì ndi e Rzàŋgò ya hwatò hwa arzɛ, ndeŋgànɛ̀lɛ̀ hvɛ à nàmìrzɛ̀ rzayi-rzayi hwaŋga ema hwa mò hwɛlɛ. È kààtì ya Lohwà e òhwi nanù ema, “Tɔ̀ njɛ̀nɛ ema a hwɛ̀lɛ̀yi Rzàŋgò nanù ema à mò òŋgòwane, à ò rzùŋgàhwà.”

Nɛ rzɔ mònò ŋmɛ̀ndì mò tànɛyi lì òhwahwa e hwèlì tɛ ema irzuhwɛlɛ i rza òmahwi e? È tìlahwì ò e kààtì ya Lohwà nanù ema, “Mòtò a jàni tɛ ŋmɛ̀ndì mò gbamù, mò jànà màlìŋgò.”

Nɛ rzɔ wɔ̀ hwa tànɛyi lì mò hwɛlɛ nanù ema a hwa òŋgòwane, e hwèlì tɛ nanù ema wɔ̀ hwa rzi mò lòkɛ̀ e? Ndèŋgàna nɛ wɔ̀ hwa tànɛyi lì mò lòkɛ̀ e hwèlì tɛ nanù ema wɔ̀ hwa rzi òkanelì ŋmɛ̀ndì mò eni e? Ndeŋgànɛ̀lɛ̀ nɛ wɔ̀ hwa tànɛyi lì hweyà e hwèlì tɛ nanù ema tɔ̀ mòtò a rza hwa òhwèlì lì hvòmɛ̀nɛ̀ mònò ŋmɛ̀ndì e?

Krirztò mɔ̀ à mà gbeyà èwòlò ema e mbenda e ma àŋgàmɛ̀nɛ̀ lì gbeyà, ò èŋgànɛ̀lɛ̀ rzɔ, tɔ̀ njɛnɛ ema a mò lòkɛ̀, a hwɛ ehve-ehve ò wòrzò wò ama Lohwɛ̀.