Popularne wersety biblijne z Yòwanìrzɛ̀ 4

Udostępnij

Lohwɛ̀ a hwèlì ndi Èlìŋgɛ̀ ndèŋgànɛlɛ hwàkànɛ̀lèlì hwa eni hwa àŋgàmɛ̀nɛ̀yi ndi lì mò kànɛ ò Èlìŋgɛ̀ na e jɔ̀kɛ̀.”

Ndi tɔ̀ nanù, e hvònda e hwèlì e jà, ndèŋgànɛ̀lɛ̀ e ma màa lì jà, ema hwàkànɛ̀lèlì hwa jɔ̀kɛ̀ hwa ò kànɛlɛlɛ Tatɛ̀ ò Èlìŋgɛ̀ na ò jɔ̀kɛ̀. Lini lìtumba la hwatò lɔ̀ ndi Lohwɛ̀ a arza nanù ema hwa mò kànɛlɛlɛ.

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yerzù rzìi a mò alàhwɛ̀ nanù ema, “O hwìiyàyì tɛ jàhwèyà ja ama Lohwɛ̀, rzìi ò hwiya hvɛ njɛnɛ ema a òhweyà à mà ò nò ŋgbe malìhwà mà lì nyɔ, ò ma ò wa ò nò ijò malìhwa. Ndèŋgàna ò ma imba na ò ŋgbèelì malìhwa ema mà ŋgba lòŋgɛ.”

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Oŋgò mòlanà rzìi a òhwa nanù ema, “Ìi Rzàŋgò kòkò, ò rza òhvi tɔ̀ yòma ò lì tɔ̀ɔ̀lɛ̀nɛ̀ malìhwa, ndèŋgànɛ̀lɛ̀ hvɛ ehvɔ̀ndi ya malìhwa e rzɔ̀ŋgɔ̀wu. Ima èki rzɔ ò wa ò lùwa manù malìhwa ema mà ŋgba lòŋgɛ e?

Oŋgò mòlanà rzìi a òhwàna Yerzù nanù ema, “Nà hwi ema è mɔ̀ ema à Ɔ̀kirzɛ̀hwɛ̀yi a hwɛnì lì jà. Mɔ̀ a jelì tɛ, a jò telɛlɛ hweyà hwe arzɛ.” Yerzù rzìi a mò òhweyà nanù ema, “Imba ema na ò òhwìrzɛ̀nɛ̀ nanù, na hwèlì ndi mɔ̀.”

“È jèe, è ɔ̀ŋgɔ è mòtò ema à mà nò òhweyà tɔ̀ ima eyà ema nà mà gbeyɛ. Rzeke è Mɔ̀ ema à Ɔ̀kirzɛ̀hwɛ̀yi ònò ema jà ambɛ̀lɛ e?”