Popularne wersety biblijne z Hwègbèèlì 5

Udostępnij

Pètrò nà inɛyi àpɔ̀rzìtòlò rzìi hwa alàhwɛ̀ nanù ema, “I hwɛni lì hweyàna Lohwɛ̀ rzeketɛ hwatò hwa hwènàmà.

Wùnyà na wùnyà tɛ hwà mà hwɛ lì ɛndɛ ò Ndawò yà Lohwà na ò indawò ja hwatò, hwà mà hwɛ lì òkòlɛ̀ hwatò na lì hwa òhwèyà ŋmɛ̀ndì mò gbamù mò ama Yerzù, è Mɔ̀ ema à Ɔ̀kirzɛ̀hwɛ̀yi.

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò. Ndeŋgana ò e àhwirzɛ̀ èŋge erzàŋgò rzeke e mà hwɛ ndi e ya aŋgɔ e? O mburzà hvònda ema ò ma àhwirzɛ̀ eŋge etò, wòŋgò wòlì wò rzi hwɛ ndi ò wa aŋgɔ e? Mamɛ rzɔ e ma gbeyà ema ò lùtèyà ene nyayi eyà e? Rzeketɛ mòtò wa hwènàmà mɛnɛ ndi ò kɔ̀yelì hweyà ò kɔ̀yelì ndi Lohwɛ̀ hweyà!” Liwòkimɛnɛ na òma Ànàniyarzì ama hweye ene eyà ama kpàa, rzi a ŋwa. Hwàtò hwa arzɛ ema hwà mà hwèya nanù hwà mà lɛmbeya mòkambiya.

O èŋgànɛ̀lɛ̀ rzɔ, ò naŋgɛ ò tenì ya mònò ŋmaŋgò, na e kòkòwɛ̀lɛ̀ nanù ema e hwɛmɛ hwanu hwatò. È hwa hwɛmɛ hwa ɛndɛ. È hwèlì tɛ nanù ema lìtiŋga tɔ̀ hwègbèèlì hwe awu hwe uwɛ̀lɛ̀lɛ̀yi ndi ò hwatò, hwe hwɛni lì kpa. Ndi e hwèlì tɛ nanù ema Lohwɛ̀ mɔ̀ ndi à hwa ŋgbelì e ŋginyà, inyɔ e rza tanɛyi ò lì tɛmirzɛ hwanu hwatò. Rzìi ò lìrzùkù inyɔ e ò ayembɛ nanù ema yà ana ndi lì teŋgɛ̀nɛ̀ Lohwɛ̀.” Wòlìya wò ma emeyà mayòwà mà ama Gàmàlìyɛ̀lì.