Popularne wersety biblijne z 2е Коринфянам 5

Udostępnij

Кина алңунак Христосым пилӣнъыӷминигу нутаӷаҳлъюгуҳтақуқ. Кияҳта̄лъылъюга авӣӷутақуқ, иўырңа нутаӷаҳлъюк кияҳта̄лъҳа пӣнлиӷақуқ.

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

Кияҳтыңъӯкут ухпықилъыҳқун, нака̄н ысҳақаюмтыхун.

Кияӷныӷӯқ таўатын пикақ. Лъңан илялӣӷутыстыкақӣлъю лъңанун Христосыкун. Қыпҳақалитӣлъюлъю, иляңилъю югыт илялӣӷутысқылъюки лъңанун. Христосыкун Кияӷныӷым илялӣӷўӣ қамахтыңъўа̄ӷлюки югыт, умьюгаӷмикыхпынаки сыӷлыҳқылъҳит. Ынка̄ңам уңипаҳқалиткақӣлъю а̄пҳысқылъюки натын лъңанун илялӣӷутаңи лъңит.

Кияӷныӷым каяхтыкақӣлъю уңипаҳтыңулюта Христосымун, ынка̄м хўаңкутхун тагисқылъюси лъңанун. Акузистыңӯкут Христосымун кайымилӷӣт илялӣӷутысқылъюси Кияӷныӷмун.

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки. Хўакын кынлыклъюку кина алңунак сюмыҳтаӷа̄ткынъанӣма̄ҳпут нунам юган сюмыҳтаӷа̄ткылъҳатун. Қайўа ата̄симың сюмыҳтаӷа̄ткыхкақаҳпут Христос нунам юган пилъҳатун, таўатын сюмыҳтаӷа̄ткынъанӣма̄ҳпут.

Христосым иглыӷутңўӣлъю пиниқылъыӷмикун. Лӣсимакңўа̄ӷаҳпут югым ата̄сим туқуматкыхкақа̄ қамахтыңъўа̄ӷлюку ю̄к. Тама̄кын апалъюқлъюку қамахтыңъўа̄ӷлютың югыт туқука̄гут.