Popularne wersety biblijne z 1е Коринфянам 2

Udostępnij

Игақыхкани Акузитни игақыхка̄гуқ: «Тама̄кут ийым ысҳамаңилъкаңи, тама̄кут сигутым нагақӯмаңилъкаңи, тама̄кут умьюгам сюмыҳтаӷа̄ткумаңилъкаңи. Кияӷныӷым ята̄ҳқыхкақӣ пиниқистыминун».

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

Иўырңа Кияӷныӷым лӣгикыстыкақӣ хўаңкунъун Аглыӷналӷӣгныкун Таӷныӷагмикун. Таӷныӷам ювӷӣӷақа̄ сяңўа̄ тамаҳа̄н, талўа Кияӷныӷым қа̄мнарухлъяганилңӯт.

Нунам таӷныӷа̄ның алъхыӷусимаңитукут. Йыӷлыги, алъхыҳтыкақахпут Таӷныӷак Кияӷныӷмың пӣк, лӣгикналюки қамахлъюки Кияӷныӷым тӯныхкӣ хўаңкунъун.

Кукшагналӷӣмың акузиткумаңитуңа пыҳқиныҳлъягым акузитаңаның. Иўырңа Аглыӷналӷӣм Таӷныӷам аҳтуӷьяҳқа̄нӷилъҳан ипапиҳқыхкақӣ апыҳтуӷилъҳынка ипаңутаңи. Ынка̄ңам ухпыҳтуси апалъюқлъюку Кияӷныӷым аҳтуӷьяҳқа̄нӷилъҳа, нака̄н апалъюқлъюку югым пыҳқинылъҳа.