Popularne wersety biblijne z ရူဝ်းမႃႉ 9

ပိူဝ်ႈ​ၼႆ​လႄႈ​ၵေႃႉ​ဢၼ်​မီး​ဢလူဝ်ႇ​ၶႂ်ႈ​လႆႈ​ၼၼ်ႉ တၢတ်ႈ​ၼိူင်ႇ​လႆႈ​ဢမ်ႇ​ၸႂ်ႈ။ ၵေႃႉ​ဢၼ်​ၶုၼ်ႇ​ဢၼ်​လႅၼ်ႈ​ၵေႃႈ တၢတ်ႈ​ၼိူင်ႇ​လႆႈ​ဢမ်ႇ​ၸႂ်ႈ။ ၽြႃး​ပဵၼ်​ၸဝ်ႈ​ဢၼ်​ႁဵတ်း​ၵျေး​ၸူး​ၼၼ်ႉ​ၵူၺ်း တၢတ်ႈ​ၼိူင်ႇ​လႆႈ​ဢေႃႈ။

မၼ်း​ၸဝ်ႈ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ၵဝ်​တၵ်း​ႁဵတ်း​ၵျေး​ၸူး တီႈ​ၵေႃႉ​ဢၼ်​ၵဝ်​ၶႂ်ႈ​ႁဵတ်း​ၵျေး​ၸူး​ၼၼ်ႉ​ဢေႃႈ။ ၵေႃႉ​ဢၼ်​ၵဝ်​ၶႂ်ႈ​ဢဵတ်း​လူ​ၵေႃႈ ၵဝ်​တၵ်း​ဢဵတ်း​လူ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵေႃႉ​ဢၼ်​တွပ်ႇ​ထဵင်​ၽြႃး​ပဵၼ်​ၸဝ်ႈ​ၼႆႉ​ဢိူၺ်း၊ မႂ်း​ၸမ်ႉ​ပဵၼ်​ၽူႈ​လႂ်။ ၶိူင်ႈ​ပိူင်​ဢၼ်​လႆႈ​ၶၢမ်ႇ​တၢင်း​ဢၼ်​ႁဵတ်း​ၼၼ်ႉ တၵ်း​လႆႈ​လၢတ်ႈ​တီႈ​ၵေႃႉ​ဢၼ်​မေႃ​ႁဵတ်း​မၼ်း​ၼၼ်ႉ​လႄႈ​ဝႃႈ၊ ႁဵတ်း​ၵဝ်​ဝႆႉ​ၸိူဝ်ႉ​ၼင်ႇ​ၼႆ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်။ ဝႃႈ​ၼင်ႇ​ၼႆ​လူး​ၵွၼ်ႇ​ႁိုဝ်။

ၵႃႈ​ၼင်ႇ​ဢၼ်​ပဵၼ်​ၼၼ်ႉ မၼ်း​ၸဝ်ႈ​ႁဵတ်း​ၵျေး​ၸူး တီႈ​ၵေႃႉ​ဢၼ်​မၼ်း​ၸဝ်ႈ​ၶႂ်ႈ​ႁဵတ်း​ၼၼ်ႉ​ဢေႃႈ။ ၵေႃႉ​ဢၼ်​မၼ်း​ၸဝ်ႈ ၶႂ်ႈ​ႁႂ်ႈ​ၵႅၼ်ႇ​ၶႅင်​ၼၼ်ႉ​ၵေႃႈ မၼ်း​ၸဝ်ႈ​ႁႂ်ႈ​ၵႅၼ်ႇ​ၶႅင်​ဢေႃႈ။

ၸဝ်ႈ​မေႃႈ​ပိူင်ႇ​လိၼ်​မေႃႈ​ဢမ်ႇ​ၸႂ်ႈ​ႁိုဝ်။ မၼ်း​ဢဝ်​တင်း​ၵွင်​လိၼ်​ၼဵဝ်​ၵွင်​ၼိုင်ႈ​လႄႈ ပိူင်ႇ​ႁဵတ်း​မေႃႈ​လီ​မေႃႈ​ၺၢမ်ႉ ဢမ်ႇ​ၸႂ်ႈ​ႁိုဝ်။