Popularne wersety biblijne z မၢတ်ႈထႄႇ 7

ယွၼ်း​တႃႉ။ ပေႃး​ယွၼ်း​ၸိုင် တၵ်း​လႆႈ​ဢေႃႈ။ ႁႃ​တႃႉ။ ပေႃး​ႁႃ​ၸိုင် တၵ်း​ထူပ်း​ဢေႃႈ။ တွႆႇ​ၽၵ်း​တူ​တႃႉ။ ပေႃး​တွႆႇ​ၸိုင် တၵ်း​ၽုၺ်ႇ​ဢေႃႈ။

ၵူၼ်း​လႂ်​သေ​ဢမ်ႇ​ဝႃႈ ၵေႃႉ​ဢၼ်​ယွၼ်း​ၸမ်ႉ၊ လႆႈ​ဢေႃႈ။ ၵေႃႉ​ဢၼ်​ႁႃ​ၵေႃႈ ထူပ်း​ဢေႃႈ။ တီႈ​ၵေႃႉ​ဢၼ်​တွႆႇ​ၽၵ်း​တူ​ၼၼ်ႉ​ၵေႃႈ ၽုၺ်ႇ​ပၼ်​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ငိၼ်း​ၵႂၢမ်း​ဢၼ်​ၵဝ်​ႁေႃး​လၢတ်ႈ​လႄႈ ထွမ်ႇ​ဢဝ်​ၼၼ်ႉ၊ လွင်ႈ​ဢၼ်​ၵေႃႉ​ၼၼ်ႉ မိူၼ်​ၸိူဝ်ႉ​ၼင်ႇ​ၵူၼ်း​ပိင်ႇ​ၺႃႇ​သီႉ ဢၼ်​မႄး​ႁဵတ်း​ႁိူၼ်း​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ၸိုင်၊ ၵဝ်​တၵ်း​ၼႄ​ပုင်ႇ​ပမႃႇ​မၼ်း​ဢေႃႈ။

ၼင်ႇ​ၵႃႈ​ဢၼ်​သူ ၶႂ်ႈ​ႁႂ်ႈ​ပိူၼ်ႈ​ႁဵတ်း​တီႈ​သူ​ၼၼ်ႉ ႁဵတ်း​တီႈ​ပိူၼ်ႈ​တႃႉ။ ပိင်း​ၺၢပ်ႈ​ၼႆႉ​ၸမ်ႉ၊ ပဵၼ်​ဢၼ်​ဢုပ်ႉ​ပိူင်ႇ​ၵျၢမ်း​ပိင်း​ၺၢပ်ႈ​တီႉ​တင်း​ၵျၢမ်း ဢၼႃႇၵၢတ်ႈတီႉ​ဢေႃႈ။

ၽၵ်း​တူ​ဢိၵ်ႇ​တင်း သဵၼ်ႈ​တၢင်း​ဢၼ်​ႁွတ်ႈ​ထိုင် တၢင်း​ဢၼ်​ဢသၢၵ်ႈ​လိပ်း​ၼၼ်ႉ​ၸမ်ႉ၊ ပဵၼ်​ဢၼ်​ၵႅပ်ႈ​ၼႃႇ​လူင်​လၢင်​လႄႈ ၶဝ်​ၸိူဝ်း​ဢၼ်​ထူပ်း​ၼၼ်ႉ​ၵေႇ​ၼႃႇ​ဢေႃႈ။

ၶဝ်ႈ​ၽၵ်း​တူ​ဢၼ်​ၵႅပ်ႈ​တႃႉ။ ၽၵ်း​တူ​ဢိၵ်ႇ​တင်း တၢင်း​ဢၼ်​ႁွတ်ႈ​ထိုင် တၢင်း​လူႉ​တၢင်း​လႅဝ်​ၼၼ်ႉ​ၸမ်ႉ၊ ပဵၼ်​ဢၼ်​ၵႂၢင်ႈ​ၼႃႇ​လူင်​လၢင်​လႄႈ ၶဝ်​ၸိူဝ်း​ဢၼ်​ၶဝ်ႈ​ၼၼ်ႉ ၼမ်​ၼႃႇ​ဢေႃႈ။

ပိၵ်ႉ​သမ်ႉ​သူ​ပဵၼ်​ဢၼ်​ႁၢႆႉ​မိူၵ်ႈ​ယူႇ​သေ​ၵေႃႈ၊ ပေႃး​သူ​ၸၢင်ႈ​ပၼ်​ၶိူင်ႈ​ပိူင် ဢၼ်​လီ​ဢၼ်​ငၢမ်း တီႈ​လုၵ်ႈ​လၢင်း​သူ​ယူႇ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ယဵင်ႈ​ၶႅၼ်း​တၵ်း​ပၼ် ၶိူင်ႈ​ပိူင်​ဢၼ်​လီ​ဢၼ်​ငၢမ်း တီႈ​ၶဝ်​ၸိူဝ်း​ဢၼ်​သူး​တွင်း​ယွၼ်း​ၼၼ်ႉ​ဢမ်ႇ​ၸႂ်ႈ​ႁိုဝ်။

ၼင်ႇ​ႁိုဝ်​သူ​တၵ်း​ၵၢင်း​လွတ်ႈ​တင်း တၢင်း​ဢၼ်​ၸီႇ​ယၢင်ႇ​ၸိုင်၊ ယႃႇ​ပေ​ၸီႇ​ယၢင်ႇ​ပိူၼ်ႈ။- သူ​ၸီႇ​ယၢင်ႇ​ပိူၼ်ႈ​ၸွမ်း​ၼင်ႇ​တြႃး​ဢၼ်​လႂ်​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​တၢင်း​ဢၼ် ၸီႇ​ယၢင်ႇ​ၸွမ်း​ၼင်ႇ​တြႃး​ၼၼ်ႉ​ဢေႃႈ။ သူ​ပၼ်​တီႈ​ပိူၼ်ႈ​ဢၼ်​တူင်​ဢၼ်​တႅၵ်ႈ​ၵႃႈ​ႁိုဝ်​သေ​ဢမ်ႇ​ဝႃႈ၊ တၵ်း​လႆႈ​ၶၢမ်ႇ​ၵႃႈ​ၼင်ႇ​ဢၼ်​တူင်​ဢၼ်​တႅၵ်ႈ​ၼၼ်ႉ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ငိၼ်း​ၵႂၢမ်း​ဢၼ်​ၵဝ်​ႁေႃး​လၢတ်ႈ​လႄႈ ဢမ်ႇ​ထွမ်ႇ​ဢဝ်​ၼၼ်ႉ လွင်ႈ​ဢၼ်​ၵေႃႉ​ၼၼ်ႉ မိူၼ်​ၸိူဝ်ႉ​ၼင်ႇ​ၵူၼ်း​မိူၵ်ႈ ဢၼ်​မႄး​ႁဵတ်း​ႁိူၼ်း​ၵႃႈ​ၼိူဝ်​သၢႆး​ၼၼ်ႉ​ၸိုင်၊ ၵဝ်​တၵ်း​ၼႄ​ပုင်ႇ​ပမႃႇ​မၼ်း​ဢေႃႈ။

မႂ်း​ယင်း​ဢမ်ႇ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​သဵၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​လႄႈ၊ ႁဵတ်း​သင်​လႄႈ တူၺ်း​မုၼ်ႈ​ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​ပီႈ​ၼွင်ႉ​မႂ်း​ၼၼ်ႉ​ၼင်ႇ​ႁိုဝ်။- သဵၼ်ႈ​ယင်း​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​လႄႈ၊ ႁဵတ်း​သင်​လႄႈ​လၢတ်ႈ​တီႈ ပီႈ​ၼွင်ႉ​မႂ်း​လႄႈ​ဝႃႈ၊ ႁႂ်ႈ​ၵဝ်​လႆႈ​ဢဝ်​မုၼ်ႈ ဢၼ်​မီး​ယူႇ​ၵႃႈ​ၼႂ်း​မၢၵ်ႇ​တႃ​မႂ်း​ၼၼ်ႉ​ဢွၵ်ႇ​သေ​ၵမ်း၊ ဝႃႈ​ၼင်ႇ​ၼႆ​ၼင်ႇ​ႁိုဝ်။

မိၵ်ႉသႃႇ​ပရေႃးၽႅတ်ႈ​တင်း​လၢႆ ဢၼ်​ၵႃႈ​ၼႂ်း​မၼ်း​ပဵၼ်​မႃ​ၼႆး ဢၼ်​လိူင်း​ၵျၢမ်း​ၼႃႇ​လႄႈ ဢဝ်​တင်း​ၼင်​သူဝ်း​သုမ်ႇ​မႆ​ယူႇ​သေ​လႄႈ မႃး​ၵႃႈ​တီႈ​သူ​ၼၼ်ႉ​ၸိုင်၊ ႁဵတ်း​သတီႉ​သေ​လႄႈ​ဝႄႈ​ပႅတ်ႈ​တႃႉ။- တူၺ်း​မၢၵ်ႇ​ၶဝ်​ၼၼ်ႉ​လႄႈ တၵ်း​ႁူႉ​သၽေႃး​ၶဝ်​ဢေႃႈ။ ၸၢင်ႈ​ဝိတ်း​ဢဝ်​မၢၵ်ႇ​ၸပိတ်ႈ​ၵႃႈ​တီႈ​တူၼ်ႈ​ၼၢမ်​ႁိုဝ်။ ၸၢင်ႈ​ဝိတ်း​ဢဝ်​မၢၵ်ႇ​လိူဝ်ႇ​သၢင်း​ၽေႃး​ၵႃႈ​တီႈ​တူၼ်ႈ​ၼၢမ်​လိၼ်​ႁိုဝ်။

တူၼ်ႈ​ဢၼ်​လီ​ၼၼ်ႉ ၸၢင်ႈ​မၢၵ်ႇ​မၢၵ်ႇ​ဢၼ်​လီ​ဢေႃႈ။ တူၼ်ႈ​ဢၼ်​ဢမ်ႇ​လီ​ၼၼ်ႉ ၸၢင်ႈ​မၢၵ်ႇ​မၢၵ်ႇ​ဢၼ်​ဢမ်ႇ​လီ​ဢေႃႈ။

တူၼ်ႈ​ဢၼ်​လီ​ၼၼ်ႉ ဢမ်ႇ​ၸၢင်ႈ​မၢၵ်ႇ​မၢၵ်ႇ​ဢၼ်​ဢမ်ႇ​လီ​လႆႈ။ တူၼ်ႈ​ဢၼ်​ဢမ်ႇ​လီ​ၼၼ်ႉ ဢမ်ႇ​ၸၢင်ႈ​မၢၵ်ႇ​မၢၵ်ႇ​ဢၼ်​လီ​လႆႈ။

တူၼ်ႈ​ဢၼ်​မၢၵ်ႇ​မၢၵ်ႇ​ဢၼ်​ဢမ်ႇ​လီ​ၵႃႈ​မီး​ၸိူဝ်း​ၼၼ်ႉ​ၸိုင် ၸၢင်ႈ​ၽၼ်း​လူမ်ႉ​သေ​လႄႈ ၶျႃး​သႂ်ႇ​ၵႃႈ​ၼႂ်း​ၽႆး​ဢေႃႈ။