Popularne wersety biblijne z མེ་ཐིའུ་ལེའུ་ 18

Udostępnij

དེ་ལས་ག་ཏེ་རང་འབད་རུང་ མི་གཉིས་དང་གསུམ་ངེ་གི་མིང་ནང་འཛོམ་པ་ཅིན་ ང་ཁོང་གི་སྦུག་ལུ་འོངས་ཏེ་སྡོད་ནི་ཨིན་ཟེར་གསུངས་ནུག།

ང་གིས་ཁྱེད་ལུ་སླབ་ཨིན་ འཛམ་བུ་གླིང་ནང་དཀོན་མཆོག་ལས་ག་ཅི་ཞུ་ནི་ཨིན་ན་ ཁྱེད་ཀྱི་གྲལ་ཁ་ལས་གཉིས་ཁ་འཆམ་པ་ཅིན་ ཞིང་ཁམས་ལུ་བཞུགས་ཡོད་མིའི་ ངེ་གི་ཡབ་ཀྱིས་གནང་ནི་ཨིན།

ཡེ་ཤུ་གིས་ཨ་ལོ་ཆུང་ཀུ་གཅིག་འབོ་ཞིནམ་ད་ ཁོང་ཆ་ཁྱབ་ཀྱི་སྦུག་ལུ་ལྷོངས་གནང་སྦེ། ཡེ་ཤུ་གིས་ ང་གིས་ཁྱེད་ལུ་དོན་ལས་རང་སླབ་ཨིན་ ཁྱེད་སེམས་འགྱུར་ཏེ་ཨ་ནི་ཨ་ལོ་ཆུང་ཀུ་བཟུམ་སྦེ་མ་འགྱུར་བ་ཅིན་ ཁྱེད་ནམ་ཡང་ཞིང་ཁམས་ཀྱི་རྒྱལ་སྲིད་ནང་འཛུལ་མི་ཚུགས།

དེ་འབདཝ་ལས་ག་ར་འབད་རུང་ ཨ་ནི་ཨ་ལོ་ཆུང་ཀུ་ཚུ་བཟུམ་སྦེ་ མཉམ་ཆུང་ཏོག་ཏོ་སྦེ་བཟོ་མི་དེ་ ཞིང་ཁམས་ཀྱི་རྒྱལ་སྲིད་ནང་ག་ར་ལས་སྦོམ་ཤོས་ཨིན།

དེ་ལས་ག་ར་འབད་རུང་ངེ་གི་མིང་ནང་ ཨ་ནི་བཟུམ་གྱི་ཨ་ལོ་གཅིག་ལུ་ལེན་པ་ཅིན་ ཁོ་གིས་ང་ལུ་ཡང་ལེནམ་ཨིན།

ད་རུང་ང་གིས་ཁྱེད་ལུ་དོན་ལས་རང་སླབ་ཨིན་ ཁྱེད་ཀྱིས་འཛམ་བུ་གླིང་ནང་ག་ཅི་རང་བསྡམ་རུང་ ཞིང་ཁམས་ལུ་ཡང་བསྡམ་ནི་ཨིན་ ཁྱེད་ཀྱིས་འཛམ་བུ་གླིང་ནང་ག་ཅི་རང་འཁྱོལ་རུང་ དེ་ཡར་ཞིང་ཁམས་ལུ་ཡང་འཁྱོལ་ནི་ཨིན།

དཔེ་གཏམ་དེ་བཟུམ་སྦེ་ ཁྱེད་ཀྱིས་རང་གི་སྤུན་ཆ་གི་འཛོལ་བ་ སེམས་ཀྱི་གཏིང་ལས་རང་བཀའ་དྲིན་མ་བསྐྱང་པ་ཅིན་ ཞིང་ཁམས་ལུ་བཞུགས་མིའི་ ངེ་གི་ཡབ་ཀྱིས་ཡང་ ཁྱེད་ལུ་དེ་བཟུམ་སྦེ་མཛད་འོང་ཟེར་གསུངས་ནུག།

དེ་འབདཝ་ད་ ག་ར་འབད་རུང་ ང་ལུ་དད་པ་བསྐྱེད་མི་ ཨ་ནི་ཨ་ལོ་ཆུང་ཀུ་ཚུ་གི་གྲལ་ཁ་ལས་ གཅིག་ལུ་སྡིག་པ་འབད་བཅུག་པ་ཅིན་ ཨ་ནི་མི་དེ་གི་ཨོལ་ལྐོག་གུ་ རང་འཐག་གི་རྡོ་སྦོམ་གཅིག་བཏགས་ཏེ་ རྒྱ་མཚོ་ནང་ཐིམ་གཏང་དཔ་དྲག

དེ་ལས་འཕྲོ་མཐུད་དེ་རང་ཡེ་ཤུ་གིས་ ཁྱེད་ཀྱིས་མནོ་བསམ་ག་དེ་སྦེ་གཏངམ་སྨོ་ དཔེར་ན་མི་གཅིག་ལུ་ ལུག་གཅིག་བརྒྱ་ཡོད་དེ་ དེ་གི་གྲལ་ཁ་ལས་ལུག་གཅིག་འབྱང་ད་པ་ཅིན་ ཁོ་གིས་ག་ཅི་འབད་འོང་ ཁོ་གིས་ལུག་དགུ་བཅུ་གོ་དགུཔ་དེ་རི་ཁ་བཞག་སྦེ་ བྱང་ད་མིའི་ལུག་གཅིགཔ་དེ་འཚོལ་བ་མི་འགྱོ་ག།