Popularne wersety biblijne z ലൂക്കോച്ചു 3

Udostępnij

നെരേയ ഒക്കായിമു നീരുക്കു മുങ്കി ഏന്തെച്ചപ്പൊ ഏച്ചുമു നീരുക്കു മുങ്കി ഏന്തെച്ചു. എന്റിച്ചു അദു പുറാത്തിച്ചൊണ്ടിപ്പടെക്കു ചൊറുഗ തുറാന്തയ്. ഈച്ചിരനുവേലു ഒരു ബെളുത്ത തോരെനെപല്ലെ അദുന്റ മേലുക്കു ഉദുഗിബന്തു. എമ്മടെക്കു ചൊറുഗത്തിന്തു ഒരു ഓച്ചെ കേട്ടുബന്തയ്: “നീ എനാക്കു ഇട്ടപട്ട മഗെയ്, നീ ചെയിദെലി എനാക്കു അയിച്ചിരിയാനയ്.”

അയിനെകോണ്ടു ഓഗെന്നാനു ഒക്കായിന്റൊന്റമു പറേഞ്ചു: “നാനു നിങ്കളെ നീരുക്കു മുക്കി ഏന്തെപ്പിക്കിന്റെയ്. എന്റെങ്കി എന്നെമുകാട്ടി ബലിയദു എന്റ ബൊവ്വെ ബന്റു. അദുന്റ ചെരുപ്പുന്റ ബള്ളി അവുപ്പബരെ നാനാവകാണി. അദു നിങ്കളെ തീകോണ്ടുമു ഈച്ചിരനുവേലുകോണ്ടുമു നിറേപ്പു.

നീങ്ക ആഗത്തമനാത്തിനെ ബുട്ടുതിരിഞ്ചെരിയെന്റു നിങ്കട ബദുക്കെലുകോണ്ടു തെളിപ്പിമി. അബ്ബുറഗാമു എങ്കക്കു അപ്പെനായികീന്റു എന്റു മനാത്തി നിനേക്കൊണ്ടമി. എന്നെഗെന്റെങ്കി അബ്ബുറഗാമുക്കു ഈ കല്ലിലിന്തുബരെ മക്കളെ മാടികൊടുപ്പ ഈച്ചിരങ്കു പറ്റുവൊയ് എന്റു നാനു നിങ്കടൊന്റ പറേന്റെയ്.

ഇപ്പൊതന്നെ മരാത്തിന്റ അടിലി കൊടാലി ബെച്ചുകീന്റു. നല്ല പാമു പുടിയത്ത മരാമൊക്ക ബെട്ടിച്ചു തീക്കു ഇട്ടുക്കാവു.”

തമ്മടിയാന ഏച്ചെയ്യാവുന്റ ബുക്കിലി ഓഗെന്നാനുനെപറ്റി എവുദിന്ത പല്ലെതന്നെയാന്റു ഈ കാരിയമൊക്ക നടാന്തെയെയ്. ഓഗെന്നാനു കറുത്താവുക്കുബേണ്ടി മയിച്ചെരണ്ട മനാത്തിനെ ഒരുക്കിന്റെനെപറ്റി ഏച്ചെയ്യാവു ഇങ്ങാണെ എവുദിന്തു: “ബറാണ്ടമന്റത്തി ഒരുത്തെയ് ബുളിച്ചു പറേന്റൊയ്: ‘കറുത്താവുക്കുബേണ്ടി പൊരുബൊവ്വു മാടുമി. അദുന്റ മാരിഗ നേരെമാടുമി. ഒക്കാ ബരേഗുണ്ടുമു നിരാന്തുബരുവൊയ്. ഒക്കാ മലേമു മൊട്ടെമു താവൊയ്. ബളേഞ്ച പൊരുബൊവ്വൊക്ക നേരെയാവനുമു ഗുണ്ടുമു മൊക്കെമുകീന്റ പൊരുബൊവ്വൊക്ക നേരെയാവനുമു ചെയിവൊയ്. ഒക്കാ മയിച്ചെരമു ഈച്ചിര തരുവപോന്റ രെച്ചെനെ മെലേവൊരു.’”