Popularne wersety biblijne z أيث-روما 5

Udostępnij

وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

وَار يدْجِي غِير مَانَايَا وَاهَا، نْفَرّح نشِّين ؤُڒَا ذِي ڒمْحَايْين. نسّن بلِّي ڒمْحَايْين-أَ تَارْونْت-يد صّْبَر. صّْبَر-أَ يتَارو ذَايْنغ مِينْزِي غَا نغْڒب خ ڒمْحَايْين. س ڒغْڒَاب-أَ خ ڒمْحَاين يتَارو ذَايْنغ لْأَمَال.

إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح. نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

فَا ذِي ڒْوقْث نِّي نِيشَان ثنِّي تُوْغَا يخْضَر أَربِّـي نشِّين وَار غَارْنغ بُو جّْهذ، ئِمُّوْث لْمَسِيح خَانغ وَامِي نعْصَا.

إِذن، أَقَانغ بَرِيئين ڒخُّو س يذَامّن ن لْمَسِيح، أُو لَابُد زَّايس إِي غَا ننْجم زݣ وغْضَاب ن أَربِّـي.

لِأَنَّا مَامّش يِعْصَا آدَم أَربِّـي يُوْوِي-د ڒْمُعْصِيّث إِ وَاطَّاس ن يِوْذَان، أَمنِّي يطَاع عِيْسَى إِ أَربِّـي سّنِّي مصْڒَاحن اَطَّاس ن يِوْذَان اَك أَربِّـي.

وَار يدْجِي غِير مَانَايَا وَاهَا، نشِّين نْفَرّح زِي أَربِّـي س سِيذِيثْنغ عِيْسَى لْمَسِيح ونِّي إِي ذَانغ يسمْصْڒَاحن اَكِذس.