Popularne wersety biblijne z أيث-فيليـپـي 1

Udostępnij

نش اَقَايِي مْتيّْقن ذِي ثْمسْڒَايْث-أَ: ونِّي إِݣ يبْذَان ذَايْوم شَا ن شّْغڒ ذ اَصبْحَان اَخَاس يتْسِيغِي اَخَاس يتْكمَّاڒ حتَّا ٱڒ نْهَار نِّي ن عِيْسَى لْمَسِيح.

ذ ثَانِيتَا ذ ثْࢲَادْجِيث ينُو اَتَاف اَذ تَرْنِي ڒمْحِبّث نْوم كْتَار أُو كْتَار بَاش اَذ تسّْنم مَارَّا اَذ تْميّْزم مَارَّا. حمَا اَذ تِيخْضَرم مِين يدْجَان ذ اَصبْحَان حمَا اَذ تِيڒِيم ثصْفَام بْڒَا ڒْعِيب غَار نْهَار ن لْمَسِيح.

مِينْزِي غَارِي لْمَسِيح نتَّا ذ ثُوْذَارْث ينُو، غَارِي ڒْموْث نتَّاث ذ لْجَائِزَا ينُو.

تْشكَّرغ أَربِّـي كُڒ ثْوَاڒَات خْمِي ذَايْوم تْفكَّرغ.

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

تْرَاجِيغ س وُوْڒ ينُو نش تْمنِّيغ وَار تْسذْحِيغ شَا قَاع خ لْوَاجِب ينُو. لَّا، نش تْزعَّمغ ڒخُّو اَذ زعْمغ منْبَعْد بَاش س دَّات ينُو اَزَّايس يمْغَر لْمَسِيح وَاخَّا اَذ مّْثغ نِغ اَذ دَّرغ.

مَاشِي عْلَاحْسَاب لْمَسِيح اَزَّايس ثَامْنم وَاهَا؛ لَّا، لَابُد عَاوذ اَذ تْوَاعدّْبم عْلَاحْسَاب سَّبَاب نّس.