Popularne wersety biblijne z مرقس 7

Udostępnij

مَايمِّي؟ ڒَاحقَّاش زِي ذَاخڒ يعْنِي زݣ وُوْڒ ن بْنَاذم إِي زِي د تكَّانْت لْأَفْكَار ثِعفَّانِين ذ لْفَسَاد ذ ثُوْكَّارْذَا ذ ثْمنْغِيوْث ذ زّْنَا ذ طّْمَع ذ شَّرّْ ذ ڒْبَاطڒ ذ يخَرْوِيضن ذ ڒقْبَاحث ذ ثِيطَّاوِين ن يِوْذَان ذ تَّكبُّر ذ ثِبُوْهْڒِيَا. مَارَّا ثِمسْڒَايِين-أَ ثِعفَّانِين تفّْغنْت-يد زِي ذَاخڒ ن بْنَاذم تْحَرَّامنْت بْنَاذم."

مَا ذِنِّي شَا ن ثْمسْڒَايْث يتَاذْفن ذِي بْنَاذم زِي بَارَّا تْحَرَّام-يث؟ لَّا، وَالُو. أَقَا مِين د يتفّْغن زِي بْنَاذم اَقَا ذ مَانَاينِّي إِي ث يتْحَرَّامن.

ينَّا-ٱسن عِيْسَى: "آ لْمُنَافِقِين! قَا نَّبي إِشَعْيَا ينَّا ڒْحَقّ وَامِي خَاوم يسِّيوڒ ذݣ يِجّن ن زْمَان: <شَّعْب-أَ يتْوقَّار-اَيِي س ؤُقمُّوْم وَاهَا، مَاشَا ؤُڒ نّس يݣّْوج خَافِي.

ئِوْذَان-أَ عبّْذن-اَيِي ذِي ڒْخَاوِي، ڒَاحقَّاش سڒْمَاذن ثِمسْڒَايِين ئِدْجَان ذ ڒُوْصِيَاث ن بْنَاذم وَاهَا.>

كنِّيو ثجِّيم ڒُوْصِيّث ن أَربِّـي، ثطّْفم ذِي لْعَادَاث ن يِوْذَان أُو صَافِي."