Popularne wersety biblijne z أيث-كولوس 1

Udostępnij

ئِسفْڒث-اَنغ زِي ڒحْكَام ن ثَادْجسْت يسِّيوض-اَنغ غَار ڒْمُلْك ن مِّيس يعِيزّن.

زَّايس نتَّا إِي زِي د تْوَاخڒْقنْت قَاع ثِمسْڒَايِين إِݣ يدْجَان ذݣ وجنَّا نِغ ذِي ثْمُوْرْث. وَاخَّا تْبَاننْت-يد نِغ وَار د تْبِيننْت شَا. نِغ ذ لْعَرْشَاث نِغ ذ لْممْلَاكَاث نِغ ذ يِنِّي يحكّْمن نِغ ذ يِنِّي يجهْذن. قَاع ثِمسْڒَايِين-أَ زَّايس إِي د تْوَاخڒْقنْت، تْوَاخڒْقنْت-اَس-د إِ نتَّا.

ذ نتَّا إِݣ يدْجَان قْبڒ خ ثْمسْڒَايِين قَاع أُو خ دْسَاس نّس إِي تْمُوْننْت قَاع ثِمسْڒَايِين.

مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن. حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.