Popularne wersety biblijne z 22 أيث-كورينث 5

Udostępnij

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أَقَا نتْعِيش س لْإِيمَان مَاشِي س مِين نتْوَاڒَا.

مَانَايَا مَارَّا زِي أَربِّـي، يسمْصْڒَاح-اَنغ اَكِذس س لْمَسِيح يُوْشَا-ٱنغ-د أَ نْبشَّر س ڒْعَهذ ن صُّلْح. يعْنِي أَربِّـي يݣَّا ذِي لْمَسِيح بَاش اَذ يسمْصْڒَاح يوْذَان اَكِذس، وَار خَاسن يحسّب شَا ڒْمُعْصِيَاث نْسن. عَاوذ أَربِّـي يكلّف خَانغ اَوَاڒ-أَ وَانِيتَا ن صُّلْح.

فَلِهَاذَا نشِّين ذ لْمُبْشِرِين ن لْمَسِيح، أَربِّـي يسّكّ طَّلَاب نّس خ وفُوْس نّغ. نْطَلَاب-يكنِّيو عْلَاحْسَاب لْمَسِيح اَذ تمْصْڒَاحم اَك أَربِّـي.

يمُّوْث نتَّا عْلَاحْسَاب مَارَّا يوْذَان بَاش يِنِّي يدَّرن وَار تدَّرن شَا إِ يِيخف نْسن وَاهَا، أَذ دَّرن إِ ونِّي خَاسن يمُّوْثن ثُمَّا يتْوَاسكَّر-د زِي ڒْموْث. خ مَانَاينِّي، زِي سَّا اَڒ ثْسَاونْت نشِّين وَار نْخزَّر شَا ذِي حَدّ عْلَاحْسَاب ڒَعْقڒ ن دُّنشْت-أَ. وَاخَّا نْخزَّر قْبڒ ذِي لْمَسِيح عْلَاحْسَاب ڒَعْقڒ ن دُّنشْت-أَ، ڒخُّو وَار ث نتْوِيڒِي شَا اَمنِّي.

لِأَنَّا ڒمْحِبّث ن لْمَسِيح تْسَيْطَر خَانغ وَامِي نسّن يجّن يمُّوْث عْلَاحْسَاب مَارَّا يوْذَان. فَلِهَاذَا ڒْموْث نّس ذ ڒْموْث ن مَارَّا يوْذَان.