Popularne wersety biblijne z मरकुस 4

Udostępnij

ईसु खड़्यो होर तौफाननै दकाल्यो अर झालनै ओडायो, “थमज्या” अर तौफान थमग्यो अर बठै सक्यु स्यांत होगो। अर ईसु बाऊँ बोल्यो, “थे क्याले डरो हो? थानै हालबी बिस्वास कोनी के?”

बे डरग्या अर आपसरी म बुजबा लाग्या, “ओ कूण ह? जिको खयो हवा अर पाणी बी मानै ह।”

पण ईसु न्याव क गेलड़ै नाकै सुत्यो हो। चेला बिनै जगाया अर बिऊँ बोल्या, “ओ गरूजी थानै क्युंई परवा कोनी के? म्हें डूबबाळा हां।”

बो बाऊँ बोल्यो गोर कर सुणज्यो, “जंय्यां थे लोगा क सागै करो हो बंय्‍यांई परमेसर थारै सागै करसी अर बिऊँ बी बेसी करसी।

ईसु बोल्यो, “परमेसर को राज माटी म बीज बोवणिया मिनख की जंय्यां ह। अर बो तो रातनै सोतो अर दिन म जागतो। अर कद बा बीजा म कुपळ आई अर कद बे बढ्या बिनै तो कोई बात की खबरई कोनी पड़ी।

जिकै कान ह बो बानै खोलल्यो।”