Popularne wersety biblijne z मत्ती 28

Udostępnij

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो। म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

जणा बो ईस्बर नगरी दुत जखो बठै बेठ्यो हो बा लूगायानै ओडायो, “डरो मना म जाणू हूँ क थे ईसुनै ढुंढो हो जिनै सुळी प चढायो गयो हो। बो अठै कोनी। परमेसर बिनै ओज्यु जिंदो कर दिओ ह। जंय्यां क बो थारूँ बोल्या करतो हो। आओ अर देखो जठै बिकी लास धरेड़ी ही।

जणा ईसु बाऊँ बोल्यो, “डरो मना थे मेरा भाई-भाणाऊँ बोलो क गलिल जाबा ताँई रवानगी करो अर बे मनै बठैई देखसी।”

बे परधान याजक यहूदि नेता क सागै मिलर साजिस घड़ी। अर बा सिपाईड़ानै घणासारा पिसा देर, बाऊँ खया, “थे लोगानै खिज्यो क रातनै जद म्हें सोर्या हा जणा ईसु का चेला आर बिकी लासनै चुरा लेग्या। अर ज थारी आ बात राजपाल ताँई जासी जणा म्हें बिनै समजा देस्यां। थे बेफिकर रह्यो, म्हें थारो बाळई बाको कोनी होबा देवां।” पेरेदार पिसा लेर बंय्‍यांई कर्या जंय्यां बाऊँ खयो गयो हो। अर इ बातनै यहूदि मिनख आज ताँई मानै।