Popularne wersety biblijne z Rómhánaigh 12

Udostępnij

Ná leanaigí patrún an tsaoil seo ach cuirigí malairt meoin oraibh féin trí ath-nuachan aigne ar shlí go n-aithneoidh sibh cad é is toil le Dia, cad é atá maith agus taitneamhach agus foirfe.

Ar an ábhar sin, a bhráithre, táim dá iarraidh oraibh as ucht thrócaire Dé, bhur gcoirp a thoirbhirt ina n-íobairt bheo naofa thaitneamhach do Dhia; sin é bhur n-adhradh spioradálta.

Bígí suairc le dóchas, seasmhach faoi thrioblóid, ag guí gan staonadh

Ná faigheadh an t-olc an lámh uachtair ort ach faighse an lámh uachtair ar an olc leis an maith.

Bíodh grá bráthar agaibh dá chéile agus tugaigí tús urraime dá chéile

Bíodh bhur ngrá saor ón gcur i gcéill; bíodh fuath agaibh don olc agus cloígí leis an maith.

Más féidir é, chomh fada le bhur ndícheall, mairigí go síochánta le cách uile.

Agus, a mhuintir na páirte, ná hagraígí díoltas ar dhuine ar bith; fágaigí an agairt faoi fhearg Dé de réir mar atá scríofa: “Fúmsa an díoltas,” deir an Tiarna, “mise a chúiteoidh.”

bígí dúthrachtach gan leisce, ar lasadh leis an Spiorad, agus ag seirbhís don Tiarna.

De bhrí an ghrásta a tugadh dom, is é a deirim leis an uile dhuine agaibh gan meas thar ceart a bheith ag aon duine air féin ach é féin a mheas go cothrom de réir thomhas an chreidimh a roinn Dia leis.

Ná himrígí cor in aghaidh an chaim ar aon duine ach an rud uasal a bheith mar aidhm agaibh os comhair an tsaoil.

Bígí báúil le cách agus in ionad a bheith ardnósach déanaigí caidreamh leis na daoine ísle. Ná héirígí teann as bhur gcuid gaoise féin.

Ach “má bhíonn ocras ar do namhaid tabhairse rud le hithe dó, agus má bhíonn tart air tabhair dó rud le hól. Má dhéanann tú amhlaidh beidh tú ag carnadh aibhleoga tine ar a cheann”.

Beannaígí bhur ngéarleantóirí–is ea, bíodh an bheannacht agaibh dóibh in áit na mallachta. Bígí lúcháireach le lucht na lúcháire agus dobrónach le lucht an dobróin.

ag tabhairt riar a gcáis do na naoimh, agus ag cleachtadh na féile.

Faoi mar atá mórán ball san aon chorp amháin againn agus gan an cúram céanna ar aon bhall díobh, is é an dála céanna againn féin é: dá líonmhaire atáimid is aon chorp amháin sinn i gCríost agus gach duine againn ina mbaill dá chéile.