Popularne wersety biblijne z NAANAA 32

Udostępnij

Akũ à pì: Oni pinnɛ Yakubu doro, séde Isaraila, zaakũ n ɔsi kà kũ Ludao kũ bisãsirinɔ, akũ n ɔsi nɛ̀.

Gɔ̃gbɛ̃ pìi pì: Ǹ ma gbarɛ, zaakũ gu tɛn dɔ. Akũ Yakubu pìnɛ: Tó adi kɛ ǹ arubarika damagu baasiro, mani n gbarɛro.

Yakubu gɔ̃̀ ado, akũ gɔ̃gbɛ̃ ke sù àtɛn ɔsi ká kãao ari gu kà dɔna.

Yakubu tɔ́ kpà gu pìinɛ Pɛniɛli, zaakũ à pì: O wɛ́ sìkɔ̃lɛ kũ Ludao, akũ mádi garo.

Kũ gɔ̃gbɛ̃ pìi è áni fɔ̃ à a nɛ́ro, à a lɛ̀ a gisipɛkɛrɛkia, akũ a gisi bòkũn ɔsikanaa pìi gũn.

Gɔ̃gbɛ̃ pì a là à pì: N tɔ́n deraa? À wèa à pì: Ma tɔ́n Yakubu.

Yakubu pìnɛ: Ǹ n tɔ́ omɛnɛ se. A wèa à pì: Bɔ́yãi ntɛni ma tɔ́ gbɛkaa? Akũ à arubarikaa dàn gwe.

N gbɛ̃kɛ kũ náani yãoo kɛ̀mɛnɛ manamana, ma bɛ̀ɛrɛ dí káro. Gɔrɔ kũ ma bikũ Yodaa, gò mɛ́ à na ma ɔĩ ado. Tera sà ma su kũ aruzɛkɛ lɛu pla díkĩnanɔ.

A yã mɛ́ à tò ari gbãra Isarailanɔ dì nɔ̀bɔ tugisi sóro, kũ Luda Yakubu lɛ̀ a tugisia yãi.

Akũ à adua kɛ̀ à pì: Dikiri, ma dizi Ibrahĩ kũ ma de Isaakuoo Luda, n òmɛnɛ mà su ma bùsun ma danɛnɔ kĩnaa, ĩni arubarika damagu.

Ma wɛ́ kɛ̀mma ǹ ma sí ma vĩ̀nia, zaakũ matɛn vĩna kɛnɛ kũ ani sí ó tɛ́ à nɔgbɛ̃nɔ kũ nɛ́nɔ dɛdɛ yãi.