Popularne wersety biblijne z Matiyə̈ 5

Udostępnij

Akrə tôâbo wo lə̂ lâmba ndə̂kə̂ za rə̂ ëtchâtchâ lüsû-a. Tche âza rə̂ pâ ngâ rə lafô, ânyë azü tchâalê nə̈ gbɛ̂ wun tchô ndə̂ sɨ̂nyî nə̈. Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

«Nyënyê, nyë wätə̂ ngbänga lə̂ gûtə̂ azü pâ cho âtə. Gö ndə̂ a mbô rə̂ lə̂ küma aga wâbo ndə̂kə̂ zatə̂ yê wü-a.

Nyë wä la mômô, nyënyê ndə̂ nyë wâ la grôgrô su, bëte nyê wun-adje Ndjapä!

Nyë wä la mômô, nyënyê ndə̂ gʉ kə̂ mbo djîrə̂ rə nyu nyê batə̂ gʉ ngû la kɨ̈zɨ̂, bëte Ndjapä âkʉadje rə sə̈ nyê gundə̂sə̂ rə ndə̂ su nyê nyîndə̂ nə̈!

Mëmê ndə̂ me nə̈, më tö rə̂ sə̈ nyê päkëdə̂: Nyë nyïndə̂ a-earə̂ kə̂ kosə̂ nyê! Nyë tö pö sə̈ Ndjapä bëte azü ndə̂ andjë mbo gbôgbô tə̂ nyê!

«Nyë wä la mômô, nyënyê ndə̂ nyë wûnsə̂ nə̈ pä rə ndə̂ Yingö wâbo lə̂ su nyê-a, bëte Gbölö gö-gbïɛ̈ ndə̂ tchêlafô wätə̂ andə̂ nye nə̈!

Nyë wä la mômô, nyënyê ndə̂ nyê mbo rə̂ pä zɨtɨ su wa lə̂ gbâtə̂ azü, bëte Ndjapä eadje nyê tə̂ abechë ndə̂ yê!

Nyë wä la mômô, nyënyê ndə̂ nyê kɨ angêta, bëte Ndjapä âtroadje ngûla nyê!

Nyë wä la mômô, nyënyê ndə̂ azü mbo arə gbôgbô tə̂ nyê, bëte kə̂ mbo adjîrə̂ rə ndə̂ nyê, bëte Gbölö gö-gbïɛ̈ ndə̂ tchêlafô wätə̂ andə̂ nye nə̈!

Nyë wä la mômô, nyënyê ndə̂ nyê wun nyonyo azü, bëte Ndjapä âwun-adje nyonyo nyê!

Nyë wä la mômô, nyënyê ndə̂ azü dro nyê, kə̂ mbo ngbongbo rə tə̂ nyê, kə̂ to angbongbo pö lakə̂ mo yepa la rə̈ nyê bëte mê. Äwäpä tə̂ nyê kra-ê, nyê wa la mômô, bëte ngâ gbölö tchôtchô rə kä lakə̂ krʉ bëte nyê bhâ lafô! Ädə̈ käko ânyë azü mbô ngbongbo rə alême tə̂ a-earə̂ ndə̂ma Ndjapä ndə̂ andjë sə̂ dokʉ̈tchê tə̂ nyê.»

Nyë wä la mômô, nyënyê ndə̂ nyê mbo rə nyima-ë, bëte nyê gboadje cho ndə̂ Ndjapä nyîkrə rə̂ bëte nyê!

«Nyënyê, nyë wätə̂ ngbro lə̂ gûtə̂ azü pâ cho âtə. Âdə kötchô ngbro nə̈ âyu lə̂nə̈ nə̂, a âmbo tâ atöko ânyë kötchô nə̈ ka ëlə̂nə̈ ngbânə̂? Ngâ rə ndə̂kə̂ mbo rə̂ tâ wâbo-a. Äwä kütû ndə̂kə̂ pa a yi rə̂ atə̂ sûwu ânyë azü dradra rə̂ la da andjê.

Äwäpä nyë watə̂ azü ndə̂ andjë dâka gbɛ̂, batə̂ Bha nyê ndə̂ tche sə̂ bhâ lafô ânyë kə̈ dâka gbɛ̂ lâme.»

Âdə nyë âsə̈ to pö, äwäpä pö ma nyê wa kütû balë: ‹Ɛn-ɛn, pö nə̈ kä›, âdəndjë ‹ɛ̂n-ɛ̈n, pö nə̈ də̂âbo rə̂ lâme-a.› Pö gbɛ̂ ndə̂ nyê to rə̂ pâ anə̈ lâme, ätö dəndə̂ Ngbongbo akrə.»

«Nyë djê pö ndə̂ a tô rə̂ alême nə̂ päkëdə̂: ‹Âdə akrə âtro la zə̈, mo tro ndjë la yê. Âdə tche âkoa jï zə̈, mo koa ndjë jï yê.› Mëmê ndə̂ me nə̈, më tö rə̂ sə̈ nyê päkëdə̂: Âwâbo päkëdə̂ nyë mbo ngbongbo rə tə̂ akrə ndə̂ tche mbô ngbongbo rə tə̂ nyê-a. Âdə ngâ akrə ârʉa ngälâ zə̈ də ndôkö, amö dje ndjë balë nə̈ sə̈ tchë tralë tche rʉ̂â rə̂.

Âdə la zə̈ də ndôkö kä âkə̂ mbo rə̂ pä mo te lə̂ ngbongbo rə, amö niɛ rə̂, kə̂ yi rə̂ tʉ̂rʉ tə̂ zə̈. Äfü pä ngâ tchâme-tə̂ zə̈ balë yu, ârô anə̈ ndə̂kə̂ pa a yi ndundu tə̂ zə̈ gbɛ̂ la rə̂ atə̂lə̂ wo ndə̂ âju pïï etə̂. Âdə könô zə̈ də ndôkö kä âkə̂ mbo rə̂ ndə̂kə̂ pa mo te lə̂ ngbongbo rə, amö ku rə̂ kə̂ yi rə̂ tʉ̂rʉ tə̂ zə̈. Äfü pä ngâ tchâme-tə̂ zə̈ balë yu, ârô anə̈ ndə̂kə̂ pa a yi ndundu tə̂ zə̈ gbɛ̂ la rə̂ atə̂lə̂ wo ndə̂ âju pïï etə̂.»