Popularne wersety biblijne z Matiyə̈ 24

Udostępnij

Bëte angbongbo arə ndə̂ ârô masə̂nə̈ lâme, kə̂ nyində̂ ngâ lə̂ gbâtə̂ andjê wabô tee-a. Praâbalë akrə ndə̂ tche rʉatə̂ su yê ndjoa tə̂ manə̈, tchê tchadje lə̂ kuzü.

A âmuadje Tchôtchô Pö ndə̂ Gbölö gö-gbïɛ̈ ndə̂ tchêlafô kupâ cho gbɛ̂ ndə̂kə̂ pa azü gbɛ̂ ndə̂ andjë wâbô wâtə̂ ajuîfu dje rə̂, pânə̈ ânyë ma arə gbɛ̂ krʉ.»

Nyê djeadje pö ndə̂ akʉ̈ʉ̈ ndrotə̂ nyê la apö ndə̂ akʉ̈ʉ̈ ngrɨ̈, wawa mböäbô nyê mbô-ê. Äwäpä rə lâme wutu dokʉ̈tchê. Praâbalë tchîsûwu nə̈ wâbo ndə̂kə̂ ka angangaâtə-a.

Bëte angâ azü gö âadje lafô ndə̂kə̂ mbo kʉ̈ʉ̈ la angâ azü gö. Ngâ gbölö gö-gbïɛ̈ âadje lafô ndə̂kə̂ mbo kʉ̈ʉ̈ la ngâ gbölö gö-gbïɛ̈, kulə̂ angâ agö, gʉ âmboadje azü tə̂ gbölösə̂nə̈, acho âtroadje katchôgbɛ̂. Arə nə̈ lâme wadje batə̂ dokʉ̈ kə̂ ka tchə̂lə̂ ɛ̈chë ndə̂ tche wâ ndə̂kə̂ zɨ.

Tchêlafô la tchêbêche âroadje, praâbalë apö ndə̂ mê roabô tee-a.»

Bëte angbängbä azü ânəadje la rə̈ mê lakə̂ to rə̂ päkëdə̂: ‹Mëmê kä ndə̂ âdə Krîsiti!› Ânyë andjê boloadje azü tə̂ gbölösə̂nə̈.

Käko azü âyoadje sə̂ nyê ëtchânə̂ angâ azü ndə̂kə̂ pa andjë mbo nyê la yûkü, kə̂ won-adje nyê. Azü gbɛ̂ ndə̂ andjë wâbô wâtə̂ ajuîfu koadje sə̂ nyê bëte mê. Sə̂nə̈ lâme azü gboadje tə̂ köbo Ndjapä tə̂ gbölösə̂nə̈, andjê yoadje sə̂ angâ andjê, kə̂ koadje sə̂ angâ andjê lə̂ gbâtə̂ andjê. Akpûlû a-earə̂ ndə̂ma Ndjapä ndə̂ yepa ânəadje ndə̂kə̂ bolo azü tə̂ gbölösə̂nə̈.

Jezü tô rə̂ ndə̂nə̈ sə̈ andjê päkëdə̂: «La nyê gbö-ê, ngâ akrə böloabô nyê bôlo-ê.

Bëte rə̂ kä, nyënyê ndjë gbɛ̂, äwäpä nyë sə tchêtchêtchê, bëte Modô ndə̂ Akrə âkadje ngbâ yê lə̂ dalo ndə̂ nyê wun-abô sə̂nə̈ tee-a.»

Käko la nyê gbö-ê, bëte nyë wûn-âbo sə̂ lö kə̂ ka ndə̂ Gbölö Gbïɛ̈ ndə̂ nyê-a.

«Âdə andə̂ pö ndə̂ lö nə̈ âdəndjë dalo nə̈, ngâ akrə balë wûn-âbo sə̂nə̈-a. Âdə̂âbo ndjë aânje ndə̂ tchêlafô-a, âdə̂âbo ndjë Modô-a, praâbalë kütû Ndjapä balë.

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa nəadje. Andjê mboadje asɨ̂nyî rə la arə ndə̂ âropâ küma azü, ndə̂kə̂ bolo azü, âdə köbo âwa, andjë bolo ndjë azü ndə̂ Ndjapä dɨ̂ andjê.

Rə ndə̂ âmbô losə̂ Nowë alême mboadje käko tə̂ lo kə̂ ka ndə̂ Modô ndə̂ Akrə. Bëte tə̂ lo nə̈ lâme, dokʉ̈tchê ndə̂kə̂ pa gbölö nyïvrö nyi kə̂ za tchô gbɛ̂, azü sə̈ alême lakə̂ zɨ rə, lakə̂ ndjo rə, lakə̂ totə̂ andjê, azü kʉ̈ aɛ̈wünrə ndə̂ andjê sə̈ aköchë zoo âwûtu tə̂ lö nə̈ ndə̂ Nowë lî lə̂ âreche. Su andjê wâbo pânə̈-a, zoo ngû rô la andjê gbɛ̂. Kə̂ ka ndə̂ Modô ndə̂ Akrə âwa me käko-ë.