Popularne wersety biblijne z Matayo 24

Udostępnij

Neeli ngyukasha tifumbukaa, nkyo kyaangusaa ikunda lya veengi. Kake ulya asisiryaa kumande ifurumya, ito yye akiṛwaa.

Na mboni shinuru ta umangi lwa Iṛuva toongoywaa masangeń woose, amu vandu va masanga varambuywa nawo vamanyi. Kikamfikań kuri, na ifurumya lyamfika.

Na lingi mulolyaa fira na iita mboni ta fira na ntindi wayo. Manyiń mutataṛaake! Fulya kyawara kive mbele kuro. Kake ifurumya lya isanga lyamfika ndi.

Fulya uruka lumwi lwimboo fira lukabe lungi na mamangi eemboo fira akabe mamangi engi. Na soto ishaa nini na si ireremaa yoose. Na ifi foose mfo fibookye fa ngyukiva ta ifurumya.

Iṛuvewu limandaa na isanga, kake firero fakwa fo fimandaa kutu ndi.

Fulya veengi vashaa veekusendaa na irina lyakwa na inumbua: Nniń Kristo. Nawo vatevetaa veengi.

Numa llyo vamurambikyaa muliswa ukiva na imuwaa. Na lingi musulwaa vvandu woose kiimba kyakwa. Llyo veengi vanu vatuṛukyanaa na ikuṛiinga na isuyana wo veni na veni. Na vaauya fisuku veengi va wongo vakwimboo na iteveta veengi.

Yesu kaaṛua kavaia: Kwiiseń ninnsha kaaṛa ataire nndu amutevetaa!

Kiimba kya ikyo neeni kusongosyeń! Amu Mwana wa nndu ashaa saa ilya mutankusaṛye.

Kyasia laleń kya umbuura! Fulya muteeshi nkonu Nndumi wanu ashaa nato.

Kake nkonu ulya ili ufikaa na saa yayo, nta eefo nndu eeshi, nta vamalaika va iṛuvewu ana nta Mwana kita Nde ye muni tubu.

Amu vakwimboo Makristo a wongo na vaauya va wongo, nawo vaorusyaa myorusye minini na maṛiikiso, amu varete na akwaa vvalya vakee vasaue, kwakooya kivaa.

Kake sha lia kyave kyeeri kya Noe, mfo kuro da kivaa, ili Mwana wa nndu auyaa. Amu mikonu ilya kitaare iwala lia lyansha vandu veekee ilya na inwa veealikaa na yalikwa kumande nkonu ulya Noe aaka nato isandukuń lia inini. Nta vandemanya filya fivaa ndi, kumande iwala lia inini lyasha likavamiṛa woose deń. Mfo kuro da kivaa, ili Mwana wa nndu ashaa.