Popularne wersety biblijne z Matayi 2

Udostępnij

Pe vahinjila munyumba, mwe vahagʼumwana nuMaliya unyina, vahasugamila pansi, vahamushindiha vahafungululʼiṿwuma ṿwavo, vahamupʼiṿwa sahabu niṿwa kusushizya numulembʼumuhali we vakuti wʼumila.

IlelʼuYesu lwʼapafilwe mu-Betelehemu ya mu-Yudayi pamwahʼuwa kuva wʼumwenʼuHelodi, pe vahaloleha mu-Yelusalemu avasimisi ve vafumile kuvutukulo vwʼizuva. Ve vahavuzilizya vahati: Ali kwi umwene wa vaYuda wʼapafilwe shinishi? She tuwenyʼuluzota lwakwe kuvutukulo vwʼizuva, ilelo pe twinzilʼukumusugamilila.

Ilelo lwe vawenyʼuluzota pe vahaseshela nkani.

Uwe-nʼuMulungu ahavavuzya munjozi ahati: Mutavuyilaje kwa Helodi. Pe vahajendʼidala ilyamwavo ukusogola kuhaya. Lwe vasogoye lelʼavene, pʼuYosefu ahaganduhʼuhavizya wa Mwene akumwitushizya munjozi akumuvuzya akuti: Vuhaga usendʼumwana nunyina, ushimbilile navo mw-Egipiti, mwʼuhavanje mumwo, uhafishe pisiku lilyo lye ndikuvuzya nene. ShʼuHelodi akwinzʼukwanzʼumwana, ukuti amugoje.