Popularne wersety biblijne z Mwamulizo 25

Udostępnij

Nayo u Muwaha Mulungu yakamutya, “Munda yako, mogali makungugo mejete, Nazo zizo zimbeyu zi nyejete zono zolelwa nagwe, zokwitemanuka. Likungugo linji lyowa na vilungo kuciza liyagwe, u Muwaha komwitumamila u mudodo.”

Yakawa kumunena Yakobo yakatya, “Gwe mwanakwetu Yakobo, nzala yanhama muno nomuyago, holeka dedede, wumhelaje ndigwa yiyo ndunghu nilye.” (Nayo yo soko yono yaleka wakamupela litagwa lya Edomu.)

Nayo Labeka yali sikalelaga, holeka Isaka yakamulomba u Muwaha Mulungu. Nayo u Muwaha Mulungu yawubocela u wulombe wakwe, nayo Labeka yakadinghula 'nda.

Nayo Esawu yakapitula yakatya, “Heya viswanu! Hambi ane nha neza behi no kufwa, alu zizo zo wulongola wangu wo kulelwa, waco zonghwila cici'ne?” Hodu nayo Yakobo yakamutya Esawu, “Alu wamule wunyilahizize zuwali, nha vyono wandecela u wulongola wako wo kulelwa.” Nayo Esawu, yakawa kumwilahila Yakobo, yakawa kumuguziza Yakobo zo wulongola wakwe wo kulelwa.

Nayo u mwana we kejete, yakalelwa akuno yebatiliye ne cising'anilo co muwahawe Esawu, nayo wakamucemela litagwa lya Yakobo. Nayo Isaka yali yaficila myaka makumi mutandatu, lono i wana wawo wakulelwa.

Ale, Isaka nayo yakawa yamwendile Esawu muno muno, vyono yalizaga vyo wupelembi wakwe. Nayo Labeka yakamwenda Yakobo.