Popularne wersety biblijne z Looma 12

Udostępnij

A didiaata pe weti buli bipfu bia tsi yi. Ka nyaalani Nziaambi akitisi beni, na aha beni mayele mamanyatii. Mu usa lisoboso nha kati a mandaa ma Nziaambi atoono, mamali mamabwe, ma nziaangili, na makuu.

Baana ba nguu bame ba me, mu ndaa ti Nziaambi amweesi ngebe a nde mu bisi, me niloombo kwaa beni mu uha manyutu ma beni weti bungori ba moonyi na ba ngira na ba nziaangili kwaa Nziaambi. Lii ni likuundu la ngwanya lafwaana na mandaa ma Nziaambi.

Diyaanga mundaa ilimbisi kia beni. Diba na kamini a mutimi mu taanga dia pasi. Diba na mukonono mu likuundu.

A nyaala pe ti mandaa mamabi mabiingi nha yulu a we. Ka we afwaana ubiingisi mandaa mamabwe nha yulu a mamabi.

Diba na litoono nha kati a beni, weti baata ba likaanda limosi. Diba babatsiomi mu ukiinzi ba mbaayi, bana mu bana.

Nyaala litoono liba lahele a peluu. Dibele mandaa mamabi, na dikangama mu mandaa mamabwe

So butuu uba, na so beni dituu uyiluu buu, diba na iyeenge na boosi.

Bambaayi ba litoono, a divutulu mimibi mu mimibi pe, ka dinyaala kesi a Nziaambi yi sala. Mundaa ti, Mabasonuu ma Ngira mali mu uleele: «Me kaavutulu mamabi mu mamabi, ni me kaavutulu mamvutu kwaa pasi muutu weti buli biyiluu bia nde.» Buleeli Pfumu.

A diba babolo pe, ka mu nzala yalaa, diba na mbaa ya muheebili. Disalila Pfumu.

Mu ndaa bweese ba Nziaambi aha kwaa me, me nileele kwaa mosi mosi mu beni, mu uhele uba na matsimi ma liwaa. Ka diba na matsimi matsieeme, muutu muutu mu iteesi kia imiini ki Nziaambi aha kwaa nde.

A divutulu pe mimibi mu mimibi kwaa muutu. Disa mifuri mu uyiluu mamabwe, nha misi mia baata boosi.

Didiaala mu itwaari bana mu bana. A diba na liwaa pe, ka ditoono mandaa ma buleembi. A diba biyeri nha misi mia beni bame pe.

«So mutaata a we li na nzala, ha nde bia udia. So nde li na nyooto a maamba, ha nde maamba. Mundaa ti we buli mu uyiluu buu, sa yiba weti ti we li mu ukukuu makala mambaa nha yulu a mutswe a nde.»

Disieme baata bali mu ukwaamisa beni. Disieme bo, ka a disibi bo pe. Diyaanga na baata bali mu uyaanga, dilili na babali mu ulili.

Dibaasila baana ba nguu ba beni babali na manzala. Diba na ipfu kia uyaka bieenyi bubwe.

Bisi dili na nyutu mosi, ka na binama bialaa, bili na isala kia lisoboso. Bumosi ka, so bu yili ti bisi babalayi dili, bisi dili nyutu mosi itwaari na Kristo, na bisi boosi dili itwaari bana mu bana weti binama bia nyutu mosi.