Popularne wersety biblijne z Wɔrɔmi ye 8

Udostępnij

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

Mii n gi fílige n cán ncan kùúw yoo, sìíw yoo, nyɛ̀ʔɛni tundunbéle yoo, màdebèle yoo, níjanʔa yáriri yoo, nyɛ̀ʔɛna wóri yoo, séekpoloyi yoo, ǹjoʔo ma fǎnyi yoo, táàma wóyi yoo, wàlá Kolocɔlɔɔ yakpéʔelegaa faala a gbǎn fànʔa taa bi wolo láʔa Kolocɔlɔɔ tàmagi na í, gee wolo taa lè wolo Kàfɔw Kirisi Zyezu bárigaw ni.

Kánmi bee na Pìicǎnni wɔ́ɔ i wolo dɛ̀ɛmɛ́ wolo báriga fǔnmi kéele na, níì cán gee wolo yɛlɛ wolo í da nyɛ́ɛri Kolocɔlɔɔ ma lè, wolo ga gi cán í. Kàjáa Pìicǎnni tiimaa i Kolocɔlɔɔ nyɛ́ɛri wolo kéeli na ní cɛ́ɛnmɛ ní, cɛ́ɛnmee bi lè syɔɔn a gbǎn bi syɛ́ɛnri cán bi joo í.

Ki si i lè nya, nyàʔá wolo a joo kérigèle bee na? Amɛɛ Kolocɔlɔɔ nyɛ ní wolo ní lè, wìí wi a ní gbǎn yìri wolo kurugo?

Koro na tɔ́ɔliw ni bele be nyɛ lè Kirisi Zyezu ni, bele bee wàa tɔ́lɔgɔ ní o nyɛ kálagili kútii ni í.

Níì cán céri kèlē sɔngurɔ i syɔɔn tórogi kùúw ma, Pìicǎnni kèlē sɔngurɔ si i syɔɔn tórogi sìíw ní yɛɛ̀nyingi ma.

Kàjáa wolo si n gbàn n yáriri bee myɛ jáa wi bárigaw ni woro wee wi tàmaga le ní wolo ní lè.

Mii i gi tímana n jo wɔʔɔgee ni wolo nyɛ lè tɔ́ɔliw naa ni, ki o nyɛ bi gbǎn tímana ní nìjanri ní í, dee wolo a ba nyaa lè nyɛ̀ʔɛna.

Nyàʔá ki a gbǎn wolo láʔa Kirisi tàmagi na? Wɔʔɔgi láà, koro ga jáa funjurugori, wàlá kagbanyi, wàlá kateekpɔɔgi, wàlá fóomi, wàlá fyáari kèlē, wàlá ŋɔséew?

Kolocɔlɔɔ wi syɛ́ɛnbèle fúnyo sɛʔɛ ni cángi lè, woro wi Pìicǎnni sɔ̀ngurɔ cángi, níì cán li i nyɛ́ɛri Kolocɔlɔɔ syɛɛncanbèle kéele na n yɛlɛ ní wi kínidɛnɛgi ní.

Níì cán Kolocɔlɔɔ Pǐli ga pye bele yɛɛ̀kinio lè, bele bee i nyɛ Kolocɔlɔɔ pìibēle.

Bele be táanri ni yɛlɛgi ní céri kínidɛnɛgɛ ní lè, bele bee sɔ̀ngurɔ i nyɛ céri nyɛ́nɛ kèlē na, bele si be táanri ni yɛlɛgi ní Pìicǎnni kínidɛnɛgɛ ní lè, bele bee sɔ̀ngurɔ i nyɛ Pìicǎnni nyɛ́nɛ kèlē na.

Alí wi ga cée wi tiimaa Jáaw na í, wi n wi kaan wolo myɛ kéeli na, àmɛɛ si wi wi kaan lè, wi a wɔ́ɔ yáriri myɛ kaan wolo ma ní fundaanra ní bi fàra wi na ì?

Pìicǎnni tiimaa li gi fíligi ni tèé wolo pìígèle na níì jo wolo i nyɛ Kolocɔlɔɔ pìibēle. Amɛɛ wolo nyɛ lè wi pìibēle, wolo wɔ́ɔ i nyɛ wi kɔriliibéle, wolo i nyɛ Kolocɔlɔɔ kɔriliibéle ní i nyɛ Kirisi kɔriliinyɛ̀nnɛ, níì cán wolo n pínɛ ni wɔʔɔ ní Kirisi ní, koro ga pye wolo í wɔ́ɔ ba pye ní wi ní wi nìjangbɔɔri ni.

Bele ni céri kèlē sɔngurɔ nyɛ lè, bele bee i nyɛ Kolocɔlɔɔ nígoobéle, níì cán sɔ̀nguri bee n be kaan pe o lúro Kolocɔlɔɔ ma í, àlí fànʔa o wɔ́ɔ̄ nyɛ be ni bi gbǎn gi kpéʔele í.

Kolocɔlɔɔ yasamagari myɛ wɔ́ɔ i wi jáabèle làridɛ̀ɛnnɛ yèʔerí.

Wolo si n gi cán ncan yasamagari myɛ n pínɛ ni wɔʔɔ ní i cɛ́ɛn n baa nan níjanʔa na, àmɛɛ fícɛnnɛfɔlɔ ga ni caa bi see lè.