Popularne wersety biblijne z Wɔrɔmi ye 5

Udostępnij

Kàjáa Kolocɔlɔɔ n wi tàmagi tɛ̀ɛn wolo na kánmi naa na, koro gi nyɛ lǎli ni wolo da sèʔê pye lè kapeebyebèlē, a Kirisi baa kùu wolo kéeli na.

Sɔ̀ngumi bee tɛɛtaʔaga si a fɛ̀ɛrɛ wáa syɔɔn na í, níì cán Kolocɔlɔɔ n wi tàmagi tìrige, a gi baa wolo fúnyi nyìn Pìicǎnni báriga ni lee wi kaan wolo ma lè.

Gee bee yagana si ban í, ncan wolo wɔ́ɔ i nyɔ̌ngbɔɔlɔ táanri wɔʔɔyi kéele na àmɛɛ wolo gi cán lè ncan wɔʔɔyi i kpàracogo kaangi syɔɔn ma, kpàracogi si i tágadeeli kaangi, tágadeeli si i sɔ̀ngumi tɛɛtaʔaga kaangi.

Amɛɛ wolo sínni taa lè tágali báriga ni, gee bee na wolo nyɛ bɛ̀ɛlɛ na ní Kolocɔlɔɔ ní wolo Kàfɔw Zyezu Kirisi bárigaw ni. Níì cán kpɔ́ʔɔri naa ni wolo nyɛ lè woro wi gi kaan a wolo tɛɛ̀jeʔe taa di ni tágali báriga ni. Wolo si wɔ́ɔ i nyɔ̌ngbɔɔlɔ táanri àmɛɛ wolo wolo sɔ̀ngumi taʔa gi na lè, ncan wolo a lɛɛlɛ taa Kolocɔlɔɔ nìjangbɔɔri ni.

Kányɛʔɛ na lǎli ni wolo da sèʔê pye lè báriga fun, a lǎli ga baa nan, lee Kolocɔlɔɔ da kɔ̀rirɔ n tɛ́ʔɛ lè, a Kirisi baa kùu Kolocɔlɔɔ yɛ́ʔɛnaa-sìnvyaabèle kéele na.

Koro na àmɛɛ wolo sínni taa lè Kirisi sìsyaanw wolo báriga ni, gee bee na wolo a ba syɔɔ kányɛʔɛ ni Kolocɔlɔɔ fundanʔari ma woro bárigaw ni.

Níì cán àmɛɛ syɔɔn nibin sìnloʔomɔ syɛ̀ɛnnɛ saʔa kaan lè a be baa pye kapeebyebèlē, kánmi bee wonijanma na syɔɔn nibin lóʔolo a syɛ̀ɛnnɛ saʔa kaan pe ba pye syɛɛnsinbéle.

N fàra gee bee na wolo wɔ́ɔ i nyɔ̌ngbɔɔlɔ táanri Kolocɔlɔɔ kéeli na wolo Kàfɔw Zyezu Kirisi bárigaw ni, woro wee báriga ni wolo bɛ̀ɛ́li bee taa lè tɔ́ɔliw ni.