Popularne wersety biblijne z Kapyegèle 1

Udostępnij

Kàjáa Pìicǎnni ga pan yele ma lǎlee ni lè, yele a fànʔa taa bi pye mii séerabéle Zyerusalɛmi ni, ní Zyude tári myɛ, ní Samarii tári ní, bi taa sa nan tári láʔala na.»

A wi be yari: «Yele má ban gi nyɛ yele í làrigèle cán í, gele Tofɔw kɔ̀rirɔ n tímana wi tiimaa séew báriga ni lè í.

Cangaa pe maa peyɛɛ gbóʔoro ni líi, Zyezu si i nyɛ ní be ní, a wi be pye: «Yele a kɔ́ yiri Zyerusalɛmi ni í, Tofɔw nyɔɔfaliga kéele mii da ni nyuu yele ma lè, fwɔɔ ye kòro yaa gee bee sige. Níì cán Zyan maa ni syɛ́ɛnbèle batize lǒgi ni, kàjáa canya cɛɛri ga kwɔ́ɔ, Kolocɔlɔɔ a ba yele batize ní Pìicǎnni ní.»

Poro na wi wɔ́ɔ̀ wiyɛɛ dɛ̀ɛn wi wɔʔɔguuli kàdoʔo ma woweeo ní fɛ̀ɛbēle saʔa báriga ni. Pe maa ni wi nyaagi canya togoye siin fúngo ni, a wi i Kolocɔlɔɔ fǎngi kéele nyuu be ma.

Kérigèle bee joolo kadoʔo ma a Kolocɔlɔɔ wi yìrige n lúrugo ǹjogi ni, a be i wi wéle n taa a fàfaangaa sáà wi làriga be na.

Amɛɛ pe da yére n kòro ni wéle nyɛ̀ʔɛni na lè wí i lúru, a be kɔ́ɔ̀ nànbēle siin foo n nyaa peyɛɛ daana woyérebéle ní, ní buroviiye ní. A bele bee be pye: «Yele Galile ye nǎnbèle, nyàʔá na yele yére ni wéle nyɛ̀ʔɛni na nya? Zyezuwee Kolocɔlɔɔ yirige lè yele níngi ni n lúrugo nyɛ̀ʔɛni na, àmɛɛ yele wi nyaa a wi i lúru nyɛ̀ʔɛni na lè, ànbée wi a ní kɔ́ lúru pan.»