Popularne wersety biblijne z MARKUS 5

Udostępnij

Ida Hyang Yesus raris ngandika ring ipun: “Ih eluh, kapracayan eluhe teken Tiang, ento ane suba nyegerang eluh. Majalanja eluh apanga rahayu, terus tumus seger oger.”

Irika wenten anak istri adiri sane nandang pinakit ngwedalang rah sampun roras tiban suenipun; sampun makudang-kudang balian ngubadin ipun, tur akeh pisan prabea sane sampun telasang ipun, nanging tan pisan wenten pikenohipun. Ipun boya sayan nyegerang, nanging pinakitipune sayan ngraatang.

Ipun mabaos ring manah kadi asapuniki: “Asal idewek maan ngusud busanan Idane, pasti idewek seger.” Ipun raris ngusud busanan Idane saking ungkur, tur pramangkin ipun wusan ngamedalang rah saha marasa dewekipune sampun seger.

Ida raris ngambil tangan anake alit, sarwi ngandika: “Talita kum!” sane mapiteges: “Ih cening, Tiang nguduhang cening, bangunja!”

Risedek Ida Hyang Yesus kantun mabaos, wenten utusan rauh saking jeroan Dane Yairus, tur mapiuning ring dane, sapuniki: “Okan mekele sampun seda. Napi gunanne mekele malih ngrepotin Ida I Guru?” Ida Hyang Yesus nenten nglinguang indike sane kuningayang punika, nanging Ida raris ngandika ring Dane Yairus: “Sampunangja ajerih, pagehang kewanten kapracayan ragane ring Ida Sang Hyang Widi Wasa!”

Ipun matur kadi asapunika, santukan sadurunge punika Ida Hyang Yesus sampun ngandika ring ipun: “Ih setan, pesuja iba uli anake ene!”) Ida Hyang Yesus raris mataken ring ipun: “Nyen adan ibane?” Anake punika raris matur: “Wastan titiange I Legion, santukan titiang sareng akeh pisan.”